【童年收藏】那些年日日求屋企人買嘅_ _ _家用遊戲機

大家細個肯定有打過遊戲機, 個陣嘅你已經將「擁有第一部遊戲機」列為人生嘅重要目標,不斷Sell你屋企人買一部俾自己。而屋企人永遠都會用好多奇怪理由去反擊,例如話會令部電視多咗雪花…唔知到你宜家大個左仲認得幾多款遊戲機呢?其實你識幾多部係代表緊你咩年代出世。

8部最有代表性嘅家用遊戲機 你又識幾多款? 

1Magnavox Odyssey

呢部野係史上第一部電視遊戲機,第一批試試水溫就已經生產左50,000部。跟住第二批就好有信心咁生產左約130,000,但可能部機真係太貴啦,最後第一年都只係賣得約69,000~ 100,000部。

部機總共有28款遊戲, 而圖中嘅隻Game係曲棍球, 加番D幻想力就睇到  (右圖)

2Color TV-Game Block Breaker

呢部係任天堂第一部完全自家研發嘅家用遊戲機。佢最出名嘅Game就係Breakout,而呢隻遊戲可以話係打磚塊系列遊戲嘅始祖。

呢類型嘅打磚塊遊戲可以話係因為呢部機而誕生,到宜家2017仲Hit緊  (右圖)

3)Nintendo Entertainment System (紅白機)

呢部係任天堂第三代家用遊戲機,香港人會叫佢做「紅白機」。但果陣香港賣嘅行貨只係灰機,如果你係遊戲機控,識儲存一定會儲存埋水貨版嘅紅白機。之後,呢部野出左款磁碟機,令到要插帶嘅灰機銷量大趺。

大家都熟識嘅「孖寶兄弟」就係呢個時候出世  (右圖)

4Super Nintendo Entertainment System (超任)

如果唔係呢部「超級任天堂」,好多經典遊戲根本會呈現係電視機上。例如,超級網球(Super Tennis)、瑪利歐賽車(Super Mario Kart)、超級瑪利歐世界(Super Mario World)等。到宜家2017年,仲有人傳會再出番「超級任天堂」,你就就知道當時呢部遊戲機嘅影響力幾驚人。

網民早前已經幫任天堂設計好新嘅超任包裝  (右圖)

5 Mega Drive

呢部野已經係用緊CD-Rom黎打機,仲要行緊16Bit。SEGA當時就創造左「孖寶兄弟」嘅強敵-「超音鼠」 。其實,SEGA果陣已經開始出大量以成年玩家做對象嘅Game,令到打機已經唔係小朋友嘅專利。

果陣超音鼠被稱為「世界上最快嘅刺蝟」(黑人問號)

 

 

 

6Nintendo Game Boy

呢部係第一部可攜式嘅掌上遊戲機,米白色機身,紫紅色嘅制。小編以前都有部,果部就係紅色機身,黑色制。雖然黑白,但有得用線雙打線,真係好過癮。仲記得果陣要成日吹帶同100000 in 1嘅Gameboy帶,但明明隻隻Game都一樣。

小編果陣都有個發光放大鏡,夜晚打機真係一流 (右圖)

7SEGA Saturn

呢部野係第6代行緊32Bits嘅電視遊戲機,官方叫佢做「SEGA土星」,因為佢係第6部主機,所以就當左佢係第六顆行星-土星。佢亦都係第一部打入我地偉大祖國嘅電視遊戲機。呢部野唔會好似Play Station 咁突然Lag機現象,令到遊戲同聲音都同時中斷。但係果陣D Game都係麻麻地,所以都唔係太多人玩。

雖然可以自行加RAM卡令到更順暢,但遊戲機本身唔Lag機是最基本吧

 

8Sony PlayStation

Sony 第一部嘅電視遊戲機,簡稱PS1。Sony產品多數屬佳品,所以當年大受歡迎。畫面同遊戲都完勝SEGA Saturn。呢部野宜家深埗仲有得買,但真係唔好亂用黎駁上電路,一通電會出煙(小編真人真事-鴨寮街$20蚊就成交)。

真係令人好懷念嘅開機畫面

 

哥儲的不是遊戲機 是回憶

等我同大家開估以上遊戲機係幾時出啦,你玩過嘅應該都唔會早過佢出產年份,應該係,除非唔係。

家用遊戲機 出產年份
Magnavox Odyssey 1973
Color TV-Game Block Breaker 1977
紅白機 1983
SEGA Mega Drive 1988
Super Nintendo Entertainment System 1989
Nintendo Game Boy 1989
SEGA Saturn 1994
Sony PlayStation 1994

 

上門迷你箱 專門收藏童年回憶嘅寶物箱

如果你屋企仲有以上嘅遊戲機,真係要好好收藏珍惜。因為好多都已經停左產,就算復出番,都唔再係原汁原味。呢d遊戲機都係陪住香港人成長,我地已經再不在乎佢開唔開到。如果屋企有太多部珍藏,可以考慮用「Spacebox上門迷你箱」去儲存呢D回憶。首先用Bubble紙包好部機(包括說明書同盒,要保持盒係四正,盒角位要尖),再加一D防潮珠入迷你箱,跟住就會有人上門收番你個迷你箱入倉。一個月費都係收緊低至39蚊,但已經可以載到最少4部電視遊戲機。

了解更多

 

 

 

Rate this post