拜四角一詞相信大家都有聽過,可能都知係搬屋、新屋入伙必做嘅傳統儀式。拜四角聽落好似好複雜、好多嘢要準備,唔知大家對拜四角有幾了解呢?今次小編為大家整理好拜四角事前須知、禁忌及流程,無論係搬入第一定第二手樓定租樓住都必須一睇!
拜四角迷思大解構!「四角」又係啲咩?
四角其實係廳堂嘅四角,而佢地分別象徵天門、地戶、人門、鬼戶。
點解要拜四角?唔拜又得唔得先?
拜四角用意係祈求五方神明家神保佑,驅逐屋內嘅負能量同唔好嘅氣場,以保入住後家宅平安,順風順水及裝修順利。
聽講鬼魂都鐘意留喺新起同長期無人住嘅屋,所以新屋入伙前又或者裝修前都最好先做拜四角儀式。
拜四角事前有咩要準備?
拜四角必須先擇好吉日及吉時,而吉日吉時就可以查吓通勝!
見到寫住「成日」、「定日」、「滿日」、「宜入宅」等嘅日子,就代表當日適宜入伙,可以拜四角。記得要避開農曆新年同農曆七月。而吉時方面,通勝中吉時會以紅色標示,黑色則為凶,千祈唔好揀。
*拜四角嘅時間最好喺晏晝一點開始,入黑前完成。
拜四角祭品清單
![](https://www.spacebox.com.hk/blog/wp-content/uploads/2024/02/拜四角-002.jpeg.webp)
- 四角衣(地主衣紙、觀音帖、貴人帖及大百解)
- 一札香、紅蠟燭 五對
- 白米 少許
- 茶/燒酒、拜神用小杯 七隻
- 紅蘿蔔 一條(需切五份,供插香燭用)
- 水果 五份
- 有殻花生 五份
- 糖果 五份
- 化寶盤
「舊屋仲有好多嘢未執好?😵💫」
輕鬆學埋拜四角四大步驟
步驟一:擺放拜四角用祭品
先將地主衣紙、一份祭品(水果、白米、花生及糖果)及三杯茶放喺大廳中央,再將另外四份祭品及其餘四杯茶放於四個角位,總共為五份。
步驟二:填寫四角衣
喺貴人帖裡面,會有一張黃色嘅「大百解」,請喺「大百解」上寫上新屋地址,全家姓名(由屋主開始寫,姓名排序為年長到年幼)。用意為燒衣後通知神明,呢批住客即將入伙,祈求保佑。
步驟三:點香繞屋一周
點燃二十一枝香,先面向正面,然後由左前方開始,以順時針方向圍繞全屋行一圈。同時,請誠心禱告,以祈求家宅平安。
然後將三枝香插喺分佈於四角嘅紅蘿蔔上,大廳中央嘅紅蘿蔔則要插上九枝,然後請點燃紅蠟燭,並分別插喺剛才已插香嘅五個地方。
*禱告時冇特定句子,只要係吉祥話就可以!
步驟四:化寶及完成拜四角
當香燭燒到一半,請喺單位中央/屋苑準許燒衣地方化寶。香燭完全熄滅後,收拾好相關物品,拜四角就大功告成!
拜四角要心情好?千其唔好面向西?拜四角6大注意事項
一:行入新屋時要保持好心情,面帶笑容,並只講吉祥話。
二:唔好著白色及麻質嘅衫,最好就著得比較鮮豔。
三:唔好跨過祭品
四:拜四角時燒衣,盡可能由佢自然熄滅。
五:小朋友、孕婦、老人家同經期中嘅女性都不宜拜四角。
六:原本屋企有供奉地主、土地公同灶君;或者有祖先新主牌,要記得另擇日子重新請神
「想Keep住新屋每日都係整整齊齊?」
入伙前分門別類整理好,搬屋自然無煩惱!
今次教咗大家拜四角,無論係準備緊入伙或者預習嘅你,到真正入伙要拜四角時就可以順順利利啦!喺舊屋執嘢嘅時候,總會發現到好多「寶物」。同時亦係個好機會將全屋物品分類整理,如果想住落舒舒服服、平平安安,仲可以用埋「上門儲存服務」將少用但有保留價值嘅嘢存倉。
「上門儲存服務」有唔同類型嘅箱可以揀,例如:標準儲存箱、特大儲存箱、掛衣箱,可以根據個人需要去選擇。而價錢方面,簽6個月儲存箱計劃,每月最低消費只係$180起,抵過租傳統迷你倉好多。
![掛衣箱](https://www.spacebox.com.hk/blog/wp-content/uploads/2022/11/box_size_wb-e1673422149327-1024x683.png.webp)
![標準儲存箱](https://www.spacebox.com.hk/blog/wp-content/uploads/2022/11/box_size_sb-e1673421626680-1024x681.png.webp)
![特大儲存箱](https://www.spacebox.com.hk/blog/wp-content/uploads/2022/11/box_size_bb-e1673421828926-1024x681.png.webp)
「舊屋啲嘢多到唔識執,存倉可以幫到你💪🏻!」