【大趨勢】智能家居入門必讀，一文睇清智能家居及推介產品！
依家越嚟越多人將自己屋企打造成智能家居，無論係實用性產品，定係娛樂體驗，全部都可以智能化，甚至遙距操作。作為智能家居初哥，下文將由淺入深，帶你進入智能家居世界，令你對智能家居有基本認識，以及產品推介。
智能家居係咩？
要真正做到智能家居就係將家電連動一齊，根據個人喜好，預先設定不同設置，就如一鎖大門全家電器就識得自己熄機。而家最普及嘅智能家居控制平台有Apple HomeKit、Google Home同Amazon Alexa，再係屋企設置感應器之後就可以遠程控制家中所有智能產品喇。
智能家居新趨勢— “Matter”
智能家居平台雖然容許你將智能家居產品，綜合到一個App中控制，但唔同品牌嘅產品多數互不兼容，變相你要全屋用同一個牌子嘅產品，先可以連接到同一個平台。為咗改善呢個現象，Matter就應運而生！
講少少Matter背景，佢係一個全新嘅智能家居裝置連接嘅標準，由Apple、Google、Samsung、Amazon同埋ZigBee聯盟共同制定嘅協議，此標準係基於網際網路協定(IP)技術，去支援不同品牌智能家居裝置中嘅互通性，同時簡化智能家居裝置嘅開發流程。
對用家嚟講只要你買嘅產品Matter Logo或者列明「可支援Matter」，佢就支援到你用緊嘅智能家居裝置。截到目前已經有超過190款裝置取得或申請緊Matter認證喇。
邊幾款智能家居產品適合新手入門？
智能門鎖
- Aqara U100
Aqara U100係其中一款支援Matter嘅智能門鎖，並支援9種解鎖方法，包括指紋、PIN碼、機械鑰匙、手機App解鎖等，你可以根據個人偏好及需要，選擇解鎖方式。
而且Aqara U100具備IP65等級嘅防水性能，適用於各種氣候。加上密碼面版採用磨紗材質，輸入密碼後唔會留低任何指紋，可以防止陌生人透過指紋估到你嘅密碼！
- Aqara A100
同樣屬於Aqara嘅A100電子門鎖，亦係一個熱門選擇。佢兼容三大智能家居平台（Apple Homekit、Google Home、Aqara Home），而且配備快速指紋讀取器、更支援多達50個指紋，啱晒大家庭。仲可以喺手機App實時查看開鎖記錄、異常開鎖提示、多重驗證失敗提示等。
比較可兼容的平台
| Matter | Zigbee | Apple Home | Google Home | |
| Aqara U100 | ✔ | ✔ | ✔ | ✔ |
| Aqara A100 | ✔ | ✔ | ✔ | ✔ |
「打造智能家居，為屋企嚟個大翻新！」
智能燈
- Philips Hue 智能照明系統
首選一定係Philips Hue智能照明系統，可以支援多款燈泡、燈帶、燈座。而且支援Matter及大型智能家居平台，用起上嚟夠晒方便。你可以透過手機App或聲控，根據不同需要調整燈光嘅色彩、亮度、色溫等。仲可以預設不同情境設定，例如「放鬆模式」、「工作模式」、「夜間模式」等，咁就可以更快咁切換照明模式喇。
- Adurosmart ERIA 智能燈系列
想平平地體驗智能燈？可以揀Adurosmart ERIA。同樣有多種顏色、色溫、光線調節功能，亦可以用手機App控制，同時兼容多個智能家居平台。而且易於安裝，只要將燈泡插入標準燈座後進行配置就用得。佢仲有節能功能，你可以預設照明系統嘅開關時間、感應器等，有效管理用電。
比較可兼容的平台
| Matter | Zigbee | Apple Home | Google Home | |
| Philips Hue | ✔ | ✔ | ✔ | ✔ |
| Adurosmart ERIA | 不支援 | ✔ | ✔ | ✔ |
智能窗簾
- Somfy 智能窗簾
Somfy智能窗簾融合咗便利、安全、美感。Somfy支援多個智能家居平台，可以配合你嘅需要。窗簾支援多種控制裝置，例如牆身制、手機App、聲控，仲可以預設窗簾嘅開關時間。另外，Somfy智能窗簾嘅智能操控，減少咗因不當操作對窗簾造成嘅損毀風險，變相延長咗窗簾嘅使用壽命。你亦可以根據個人偏好，選擇捲簾、羅馬簾、風琴簾等任何窗簾風格，襯返你嘅家居設計。
- USUB x Yeelight Pro 智能捲簾
或者可以揀USUB x Yeelight Pro嘅DIY訂造智能捲簾，佢除咗支援Google Home、Amazon Alexa、Apple HomeKit，可以用Siri廣東話語音控制，仲支援Matter！而且有多款窗簾布料選擇，仲配備多組模式同時開關、預設開關時間、AI聯動及場景模式等功能，功能上都唔錯㗎。
比較可兼容的平台
| Matter | Zigbee | Apple Home | Google Home | |
| Somfy | ✔ | ✔ | ✔ | ✔ |
| USUB x Yeelight Pro | ✔ | ✔ | ✔ | ✔ |
「執好間屋，實現家電控制一體化！」
執個「靚位」，將智能裝置融入家居
睇完一輪相信已經對智能家居有啲概念喇，可以準備幫屋企嚟個細裝，提升生活嘅便利性喇。但打造智能家居除咗搵啱連接平台，仲要係屋企揀到靚位安裝感應器，「靚位」即係感應器附近要無阻擋物，咁先可以實現家電控制一體化。呢個時候就要清一清屋企啲物品，將好耐無用又唔捨得丟嘅嘢存倉，騰出足夠嘅空間畀智能裝置發揮最大效能！
「上門迷你箱」究竟係咩？
上門箱你箱服務，故名思義，係以「箱」作單位嚟提供儲存容量同計算月費。Spacebox隨存屋會提供呢四款箱畀你哋擺嘢：文件箱、標準儲存箱、特大儲存箱同掛衣箱，咁就可以根據實際需要去揀喇。仲有專人免費報價，簽6個月儲存箱計劃，每月最低消費只係$180起，抵過租傳統迷你倉好多。
從此以後出少少力執好嘢，之後就有「 上門儲存服務 」幫你輕鬆搞掂入倉！如果有更多、更大型的物品需要長期儲存，不妨考慮使用「 上門迷你倉 」，仲有專人為你免費報價！