【敏感肌救星】面部皮膚敏感3大保養法，整合4間過敏源測試公司
面部皮膚敏感真係好難捉摸呀！行行吓街又痕、執執吓屋又痕，忍唔住手𢯎咗幾吓仲發熱！去照鏡先發覺已經變紅變乾，完全搵唔到咩原因而令到自己皮膚敏感⋯係咪要將屋企啲嘢搬晒入倉先得！？好喇，停手唔好再掂塊面喇，想Keep住個靚樣去見人就要繼續睇落去，了解更多面部皮膚敏感成因同急救方法！
面部皮膚敏感4種常見因素
要了解面部皮膚敏感成因都不外乎係「外憂內患」，即刻帶你去了解觸發敏感痕癢嘅原因。
1.外界刺激
面部皮膚較薄，容易受到外界刺激引起敏感，如氣候變化、紫外線照射、污染物、化學物質等。受到外界刺激嘅皮膚容易變得乾燥、紅腫、痕癢等。
飲食方面就係老生常談，要避開辛辣類、煎炸類、海鮮、奶類、堅果等刺激性或易使身體發炎嘅食物。
2.疏於清潔貼身用品
每日都會接觸到嘅枕頭套、被套以至床單因為唔會日日都洗，所以都好易窩藏細菌或者塵蟎等。喺瞓覺嘅時候，面部皮膚都會不知不覺地沾上呢啲致敏源，增加皮膚敏感嘅可能性。
3.用錯護膚品
而家嘅護膚產品好多時為咗快速達到我哋心目中嘅護膚效果，就會添加好多化學成分入去，往往就係呢類成分令到面部皮膚敏感。醫美醫生建議買護膚品嘅時候要避免：酒精成分、香料、防腐劑、色素同埋精油。
4.身體因素
負面情緒、壓力過大、睡眠不足，又或者正處於青春期、孕期、更年期等身體因素會令荷爾蒙水平大幅改變，更容易導致面部皮膚敏感。另外，遺傳因素都值得留意，例如父母本身其中一方為過敏體質，有可能遺傳畀小朋友或有部分人則為天生面部皮膚角質較薄，較易過敏。
「成日畀外在因素刺激到塊面又紅又痕😖」
面部皮膚敏感日常3步保養
就算做足萬全準備，避開所有致敏原，總會有啲不可抗力因素，搞到面部皮膚敏感。個感覺同中咗面目全非腳一樣咁差，但身邊又無人識還原靚靚拳點算好？幫緊你，幫緊你！小編呢度有3種急救方法，相信總有一樣對你有幫助！
1.為面部皮膚降溫
面部皮膚敏感發生時會變得乾燥而變得泛紅及有灼熱感。第一時間可以選擇保濕噴霧，讓皮膚得到即時嘅水份滋潤同鎮靜，痕癢感立即退散。
2.潔面程序保持基本步
建議面部皮膚敏感人士用暖水洗面，整個過程保持約1分鐘內，記得唔好用鹼性洗面產品，例如：番梘。同時都要避開用磨沙產品，因為內含嘅沙粒狀成分會再次破壞你皮膚嘅保護屏障。
洗完面都最好用一次性嘅潔面巾輕力拭乾面部皮膚，一次性潔面巾更衛生，以免加劇敏感症狀。
3.幫面部皮膚建立鎖水屏障
洗面後要緊接做保濕程序，幫面部皮膚建立鎖水屏。第一步就係要搽精華液，因為洗完面係最吸收嘅狀態，先搽濃度高嘅護膚品咁就事半功倍。其後就要揀低敏性嘅面霜鎖住養份，水份充足有助舒緩面部皮膚敏感症狀。
「塊面有敏感，點算好！？」
面部皮膚敏感護膚品推介
而家護膚品界都推出咗好多面部皮膚敏感friendly嘅產品。作為敏感肌嘅小編年中都試唔少產品，今次集中推薦鎮靜、舒緩、保濕三步曲護膚品畀大家！
鎮靜推介 | Avene 抗敏活泉水
建議零售價 $150 (300ml)
成份天然，可以鎮靜和舒緩皮膚泛紅不適、痕癢繃緊的感覺立即得到舒緩。
• 舒緩敏感不適： 肌膚敏感度降低64%。
• 加強肌膚屏障： 其完美的鈣/鎂平衡為敏感肌膚形成保護屏障。
• 平衡護膚： 舒緩肌膚的不適和敏感感覺，以保持肌膚健康。
肌底舒緩 | Atorrege AD+ Skin Solution 淨肌舒敏精華
建議零售價 $490 (50g)
內含鯊烯油、透明質酸鈉、洋甘菊萃取物、天然維生素E等，能促進水油平衡，減低轉季時的過敏機會，有效舒緩紅腫熱癢等症狀。
- 敏感、暗瘡粉刺及濕疹肌專用，有效控油及抑制細菌滋生，舒緩紅腫熱癢等症狀
- 促進水油平衡，減低肌膚轉季時的過敏機會，增強肌膚防禦力
- 換季、日曬後、生理期前後等肌膚不穩定時的必備救急產品
保濕之選 | LA ROCHE POSAY – Toleriane 抗敏全效修護面霜
建議零售價 $305 (40ml)
內含活性聚合肽、益生菌萃取成分及溫泉水，能幫助舒緩皮膚不適、滋潤及修復皮膚表皮屏障成分。
- 易過敏肌膚日常保濕霜，乾燥的敏感肌膚專用
- 強效舒緩產品，針對舒緩肌膚刺激和敏感跡象
- 經過敏感肌膚測試。
「畀屋企灰塵搞到皮膚敏感😵💫」
過敏源測試公司價目參考
面部皮膚成日過敏，睇完醫生無耐又番發，可以點部署？不妨做一個過敏測試，了解對邊類食物同環境致敏原有反應，減少外在刺激，咁就可以Keep住個靚樣見人啦！
以下整合咗四間公司比大家作參考：
| 公司名稱 | Bowtie & JP health | 香港過敏中心 | 22Plus | 香港婦檢 |
| 過敏測試 | IgE ALEX2 過敏測試 | Faber 過敏測試 | IgE 過敏測試 | IgE 過敏測試 |
| 測試致敏原數目 | 295種 | 172種 | 112種 | 71種 |
| 檢查分析需時 | 15-20個工作天 | 15-20個工作天 | 5個工作天 | 7個工作天 |
| 價錢 | $4,800 | $7,800 | $5,900 | $2,300 |
「皮膚紅腫痕癢真係好辛苦呀！」
為咗個靚樣著想，要盡可能減低灰塵四揚嘅機會！
如果你已經乖乖地做齊以上嘅步驟，不如行多一步執吓間屋？小編都曾經因為屋企太多嘢而搞到「沙塵滾滾」塊面啲敏感一直反反覆覆好唔晒，搽護膚品已經變得治標唔治標本。
所以！為咗你嘅個靚樣、皮膚著想要著手執屋喇，試下將好耐無用嘅嘢存入倉？驚重怕麻煩要搬出搬入？可以睇吓「上門儲存服務」啱唔啱你用！
「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
