滲水問題真係令人頭痕！要徹底解決滲水並非一朝一夕嘅事，最難處理要數到樓上滲水，樓上唔肯配合嘅話。真係日日都「水舞間」覺都瞓唔好呀。喺發生樓上滲水嘅時候，處理方法同程序你又知幾多？抑或發現少許滲水蛛絲馬跡，要未雨綢繆想及早解決？小編今次教大家逐步處理屋企滲水或者樓上滲水問題！
滲水情況點解會出現？
滲水會出現原因主要有4個：
- 樓上、隔離屋/本身單位排水管漏水
- 樓上、隔離屋/本身單位供水管漏水
- 樓板防水層或者浴缸封邊有殘缺
- 雨水滲入大廈天台/平台/露台/外牆/窗戶
出現滲水後要點搞？簡單2個步驟教你檢查滲水位置！
第一步：確認滲水源頭
屋企發現有地方漏水，例如天花板、洗手間/浴室等，首要做嘅係檢查屋企內外有冇地方有滲水。內部需要檢查嘅地方主要係天花板、廚房、洗手間/浴室同窗台，可以睇下呢啲地方嘅供水管、洗手間/浴室門嘅腳線、窗台、浴缸封邊有冇破損。而室外就可以檢查有冇外牆滲水問題。
如果發現天花板有滲水情況，先觀察滲水嘅情況、範圍及水迹形狀，從而可以大概得知屬於上層單位邊個位置有破損情況而導致滲水。
| 上層滲水位置 | 地台內排水管破損 | 地台防水設施損毀 | 地台內供水管滲漏 |
| 滲水位置 | 廚房、洗手間/浴室天花板 | 浴室天花板/排水明渠 | 廚房、洗手間/浴室天花板 |
| 滲水情況 | 間歇出現 | N/A | 會出現滴水 |
| 滲水範圖 | N/A | 較大、平均/接近牆壁 | N/A |
| 水迹顏色/味道 | 水迹呈圓形 滲水位置會發霉同有臭味 | N/A | 滲出嘅水會有灰色晶狀沉澱物， 即當中可以有鹽份 |
第二步：檢查屋內食水系統
懷疑樓上單位滲水前，可以做多一步去測試隱藏式供水喉管，再三確認自己屋企有冇滲水問題
兩大常見檢測屋內供水管滲漏方法
- 流量錶測試
- 閂哂全屋水龍頭
- 記低水錶讀數，半個鐘後再檢查水錶讀數
- 第2次讀數有變化，即供水喉管有可能出現滲漏
- 反向壓力測試
- 記低天花板滲水位置喺半個鐘內滴水次數
- 閂咗屋企自來水總掣
- 開哂屋企所有水龍頭，排走管內嘅水同壓力
- 再次記低滲水位置喺半個鐘內滴水次數，觀察滴水速度有冇減慢，就可以了解水喉管有冇滲水問題
- 開番自來水總掣、閂番所有水龍頭，重新再記低半個鐘內滴水次數，以作反覆測試水喉管有冇滲水情況
做完以上兩步，發覺原來真係樓上單位滲水嘅話，可以用咩方式處理？繼續睇落去啦！
資料來源：滲水辦、1823網站、屋宇署
「滲水問題未解決，滴濕晒啲嘢好頭痕😣」
樓上滲水落嚟要搞維修，對方唔合作可以點做？
做檢查同維修前，首先要了解樓上單位肯唔肯比你入門檢查，對方願意合作一般嚟講都係有商有量，如果唔合作唔比入單位做嘢，睇吓以下嘅方法幫唔幫到手。
向政府部門求助
- 先向由屋宇署同食物環境衛生署成立嘅聯合辦事處求助，辦事處會喺收到投訴後6個工作天內聯絡投訴人，然後滲水投訴作初步調查。
- 辦事處職員會到現場視察，進入被投訴單位，進行非破壞式測試，例如色水測試、紅外線測試等，搵出滲水源頭。
- 相關業主/住戶願意合作情況下，調查會大概喺90個工作天內完成，再將結果通知留投訴人； 假如未能喺90個工作天內完成，則會以書面形成通知調查進度。
- 相關業主/住戶不願意合作情況下，聯合辦事處會向法庭申請手令，以進入該單位調查，調查過程會因而延長。
樓上滲水小貼士：唔同情況同位置嘅滲水問題係由唔同嘅部門跟進。例如食水、淡水係由水務署跟進； 鹹水會由食環署跟進，而影響到樓宇結構安全同外牆排水渠失修問題就會由屋宇署跟進。
資料來源：滲水辦、1823網站、屋宇署
「滲水範圍愈嚟愈大，我啲嘢整濕晒喇😣」
請專業人士幫手
樓上滲水問題除咗搵滲水辦，以下呢3種情況就需要外聘專業人士/機構幫手，例如公正行。
- 樓上滲水問題滲水辦話唔屬佢地處理範圍？
根據滲水辦嘅樓宇滲水調查程序，滲水辦只會調查同處理屬於明顯滲水及嚴重滲水個案。
滲水情況濕度唔超過35度，都不屬調查範圍內。
- 滲水辦突然中斷調查
喺調查期間，樓上滲水問題有輕微/明顯改善，或者搵唔出滲水源頭都會終止調查。
- 完全搵唔出滲水源頭
滲水辦主要採用嘅滲水測試方法成功率較低，同時又可能會因樓上單位唔肯合作比處方入屋進行全面滲水測試。因此，處方接到嘅案例中概得17%人能夠搵到滲水源頭。
| 機構 | 滲水聯合辦事處 | 香港公正行 |
| 測試方法 | – 色水測試 – 蓄水測試 – 反向壓力測試及濕度測試 | 分為3大種類滲水分析，包括滲源分析、水路分析同徵狀分法 總共有30種檢測及分析方法 |
| 調查時間 | 最快為90個工作天內 | 最快為30個工作天內 |
| 優點 | 免費 | – 樓上單位唔合作時，亦有方法可以檢測到滲水情況 – 滲水分析範圍較詳細，調查報告亦可以用於民事訴訟 |
| 缺點 | – 調查時間較長，有案例調查時間長達十幾年。 – 未能100%搵出滲水源頭 – 滲水辦調查報告不能應用於民事訴訟 | – 需要收費，根據調查及測試方法去收取費用 |
資料來源：屋宇署、香港公正行
樓上滲水願意合作，又要做啲咩？
其實只要樓上單位願意合作，處理滲水問題就可以簡單好多，亦都未必需要大灑金錢去處理同維修。但都有3個要點大家可以注意，以確保雙方利益。
- 傾好搵咩機構/人士去做檢查
- 確定檢測機構/人士後，雙方可以簽訂《仲裁協議》，以確保雙方會根據檢查結果去作出維修行動，避免有爭執出現。
- 簽訂《仲裁協議》後，就可以正式進行滲水檢測同相關嘅維修工程。萬一真係要發起仲裁通知書，可以參考以下完整仲裁流程：
資料來源：裝修電視 (Youtube @deco-tv)、香港仲裁公會
「滲水維修唔知整幾耐，啲嘢擺去邊好！？」
樓上滲水唔想連屋企啲嘢都整到濕晒？
牆身天花日日都滴到變水溏，由發現、檢查到維修滲水範圍，分分鐘要等成2 – 3個月，未到維修個日都要左搬右搬屋企物品！？有啲大型物品避唔晒滲水，吸晒水氣真係好驚擺到發霉。唔想全屋物品參加「下水禮」，呢個時候用「上門儲存服務」將物品送晒入倉，即刻幫你遠離「水源」！只需簡單程序就會有專人上門幫手將物品入倉。
「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
租好暫存倉，家居物品終於安置好！但屋企維修期間住唔到人點算好？唔洗擔心，而家有服務性酒店或者合租空間，終有一間幫到你！
