【浴室設計】一文分析浴室地台去水好唔好？整企缸注意事項？
而家愈嚟愈多浴室設計都係採用企缸設計，畢竟慳位好多嘛。而且一個用得舒服嘅浴室必需做到「乾濕分離」，所以地台去水就成為企缸設計中嘅重要課題！究竟一個好嘅地台去水有咩準則？地台去水嘅U型、樽型隔氣又係咩？唔想「全爆」完間浴室先發現地台去水大NG，就要繼續睇埋落去喇！
一個好嘅地台去水要具備咩條件？
整企缸最關心就係浴室地台去水work唔work，好嘅地台去水要有斜度！根據《香港裝修指引》，地台去水每1直米，建議傾斜度為5-10毫米。
設計得宜嘅地台去水斜度可以令水自然流向排水口，無去水慢嘅情況出現。另外，地台排水口嘅大細同位置都會影響地台去水嘅速度同流量。
簡單啲諗，沖完涼地下唔會留有大片積水，咁就滿足到地台去水嘅基本條件喇。
逐步睇！點樣Check地台去水斜度合唔合格？
對一個好嘅地台去水有概念之後，就嚟學吓點樣check吓企缸嘅地台去水合唔合格，只需三步，再計吓加減數就知道企缸地台去水設計符唔符合《香港裝修指引》喇。
第一步：準備量度器材
先欲善其事，必先利其器，首先準備激光水平儀及水平尺。
第二步：用水平尺量度最高位
開啟激光水平儀之後，就可以清晰見到紅外線，接落嚟以此作為水平數據參考。將水平尺放於地台位置較高一方，即地台去水口對面，紀錄紅外線所照射出嘅刻度。
第三步：用水平尺量度地台去水口 (最低位)
最後將水平尺放於地台去水口，再次紀錄企紅外線所照射嘅刻度。將最高同最低位相加，只要斜度與《香港裝修指引》建議傾斜度為5-10毫米即為合格。
圖片來源：願一設計 (YouTube @K夫子裝修工作室)
「全屋裝修想每一部分都盡善盡美？」
地台去水隔氣做得好，企缸無異味？
想擁有一個長久好用唔漏水嘅企缸，除咗了解地台去水之重要性，就要認識埋地台去水隔氣。地台去水隔氣第一步就要認識浴室地台/企缸最常見嘅隔氣管類型：U型隔氣管及樽型隔氣管。
U型、樽型隔氣有咩分別？
| 隔氣種類 | U型隔氣 | 樽型隔氣 |
| 連接位置 | 浴室地台去水口 | 浴室洗手盆下 |
| 安裝位置 | (i) 樓下住戶嘅假天花內 (ii) 大廈室外去水管 (iii) 單位內 | (i) 單位內 |
| 日常注意 | – 須注滿水先可以發揮到水封作用， 阻隔病毒細菌 – 每星期倒半公升水落去水口， 避免U型隔氣彎管乾涸/缺水 – 可以利用長身棉花棒伸入去水口作檢查 棉花棒冇濕就要倒水 | – 容易堆積污垢，需定期檢查及清理 – 去水口易有堵塞情況，甚至產生臭味 |
企缸高度受大廈隔氣管位置限制？
一般嚟講，浴室地台隔氣管都會用到U型隔氣管，而U型隔氣管有三個安裝情況：大廈外圍、浴室室內及樓下單位，所以企缸地台高度會受隔氣管位置而有所影響。
1. 安裝於大廈牆外
當U型隔氣管安裝係牆外，而你又想降低企缸地台高度時，就可能需要改動浴室室外去水喉位置去配合地台設計。呢個改動會涉及到外牆工程，或需要搭棚，記得同裝修公司傾清楚，留多啲預算去改動地台設計喇。
圖片來源：PoonCfu 潘師傅水電維修
2. 安裝於浴室室內
U型隔氣管係室內嘅時候，企缸都會做高台階，因為要確保企缸台階能夠完全包覆喉管。若想盡量降低台階高度，亦可要求裝修師傅係地台打坑嚟藏喉。不過地台打坑深度都要因應樓板厚度，有機會未能完全藏好整條隔條喉。
想做到最美觀又盡量「追平」地台，都可以將隔氣管改安裝於室外（可參考第1點）。
3. 安裝於樓下單位
U型隔氣管除咗會安裝係室外、室內，仲會將喉管延伸至樓下單位，通常打開假天花就會見到。如果你個浴室係屬於呢種大廈結構，企缸嘅台階就可以做得比較矮，最為美觀。
「地台去水要重做，咁大工程又要執屋？」
恆常保養，防止地台去水變慢！
企缸裝修進入工程階段就交番畀師傅做喇，呢個時候了解埋地台去水點解變慢，其實只要唔係排水設計問題，就會係「塞住咗 」！最常見係受頭髮、油脂、洗頭水/沐浴露堵塞，嚴重起嚟會有倒灌情況出現！所以都咪話唔驚！
會發生堵塞係因為連接地台去水位及渠口嘅隔氣喉管無法排走去喉管後方嘅殘渣堆積。想防止頭髮等堆積物流入喉管，就要有一個好嘅地漏。好嘅地漏係由飾面蓋及蜂巢蓋組成，蜂巢蓋有助阻隔頭髮及較大型殘渣，防止直接排到渠口。
所以只要做好恆常保養就唔怕去唔到水啦，沖涼都沖得暢快好多！
圖片來源：HKTVMall、約翰家庭百貨
「裝修執屋可以點做？咁多嘢擺去邊？」
全屋裝修想翻新埋浴室，咁多物品何處安放！？
裝修呢家嘢真係一不做二不休，翻新改造浴室之餘，仲想搞埋個廳或者睡房，大裝修時所有物品都需要嚟個「大遷徙」，唔想整污糟屋企啲物品，係時候搵定地方安放。想用一個靈活多變嘅存倉服務？不如試吓「上門儲存服務」，想擺幾多箱入倉就擺幾多箱，裝修存倉新方案，打破以呎數計算嘅界限！
「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
