【執屋革命】低成本整理雜物三大要訣
購物使人快樂,快樂嘅事情做多亦無妨。但快樂過後先發現屋企已經無晒位擺嘢,不如為屋企嚟一場「執屋革命」!用低成本嘅方法執整齊間屋,間屋整齊啲,人都醒神啲!叫埋班Friend上嚟玩都唔怕招呼唔到。
1. 分割法
執屋第一要訣 — 「分割法」!分割法可以由劃分屋企空間再細割到家居物品類別,為求建立一個有系統嘅收納環境。
劃分屋企空間主要彌清番客廳、飯廳、玄關、工作空間等,收納整理嘅時候都可以逐區逐區咁做,有目標地整理會更有成就感!
當你分好點樣利用屋企每個空間,就可以循生活動線去執家居物品,例如遙控器、充電線要放回客廳同飯工作空間;雨遮、衣物消毒噴霧應放係玄關或者大門附近。
將物品分門別類之後,唔好再畀佢哋「踩過界」,要養成用完放返原位嘅習慣,保持恆常分類,咁就可以Keep住屋企整齊!
![](https://www.spacebox.com.hk/blog/wp-content/uploads/2022/12/beautiful-young-brunette-woman-folding-things-1024x682.jpg.webp)
2. 「751法則」
成功分類整理之後,就可以試吓套用「751法則」。呢個法則係由日本收納女王—山下英子所提出,當中嘅「751」係指:
「看不見的收納」為 7 成
衣櫃、櫃桶、廚櫃呢啲經常係「看不見」嘅重災區,大家成日都會將諗唔到擺邊嘅嘢就咁塞入櫃桶,「閂埋就當睇唔到」,往往就係塞到滿晒而拎唔到深處嘅嘢,就慢慢唔記得咗入面擺過咩,未有善用空間同件物品。
「看不見」嘅收納空間最好只放7成滿,保持空間嘅流動性,當有新物品增加都會因為預留嘅3成空間而變得更容易會存放。
「看得見的收納」為 5 成
層架、桌上收納架等開放式儲物空間,而且呢啲位置多數係放較常用嘅物品,如化妝品、文具、鞋、手袋等,輕易就一眼睇晒上面擺咩就更加需要「留白」。收納女王建議只放滿5成,同樣係保持空間嘅流動性而且令到視覺上可以取得更好平衡,屋企空間都感覺闊落好多。
「展示型收納」為 1 成
最後畀返1成空間自己展示收藏品。呢種提倡係利用咗美術館展示藝術品嘅概念,係寛闊嘅空間只放一兩件擺設,就會有畫龍點睛嘅效果。例如係牆身掛上旅行時買嘅畫,點綴返全屋;又或者擺幾盆植物係客廳增添生氣。
![](https://www.spacebox.com.hk/blog/wp-content/uploads/2022/12/japanese-mother-1024x731.jpg.webp)
3. 輕「斷捨離」
「斷捨離」呢個term真係超級盛行,但又有幾多人真係可以做到極簡斷捨離呢?所以小編都係建議大家要「適當地」進行。早排盛行嘅「333法則」(3秒決定衣服去留,3年以上無用過嘅物品,3個令你猶豫嘅藉口)就切合到輕斷捨離嘅標準。
以上3種標準就可以幫你判斷到個件物品嘅常用或者重要程度。試想像打開衣櫃,望到好多已經唔on trend嘅款式、擺到發黃嘅T-Shirt已經可以狠心放棄;同朋友聚會已經玩厭嘅桌遊都可以放上二手平台出售。
好好篩選屋企嘅物品可以令你屋企好好實行「保持流通性」一法。
「執屋仲有好多嘢,幾個箱先夠用?」
( 執屋搵幫手:【鐘點清潔】想搵到好幫手做全屋清潔?鐘點可以幫到你! )
執屋「一TAKE過」,生活無煩惱!
學識執屋三大要訣之後就要付諸實行,我都明白執屋係一件好攰嘅事,但革新屋企一次就知道間屋原來係咁多生活空間,所有嘢分類擺先發現好多嘢買完又買,就例如會搵到一枝又一枝嘅潤唇膏,日日搽都搽唔切呀。仲有仲有,小編強烈建議將書、相簿、畫作呢啲有意義但唔常用嘅存入倉,咁就唔怕執嚟執去間屋都係咁多嘢啦,又可以Keep住環境整齊。
![](https://www.spacebox.com.hk/blog/wp-content/uploads/2022/08/DSC02625_rgb-1024.jpg.webp)
「上門迷你箱」好唔好?
上門迷你箱,故名思義,係以「箱」作單位嚟提供儲存容量同計算月費。Spacebox隨存屋會提供呢四款箱畀你哋擺嘢:文件箱、標準儲存箱、特大儲存箱同掛衣箱,咁就可以根據實際需要去揀喇。而價錢方面,簽6個月儲存箱計劃,每月最低消費只係$180起,抵過租傳統迷你倉好多。
![標準儲存箱](https://www.spacebox.com.hk/blog/wp-content/uploads/2022/11/box_size_sb-e1673421626680-1024x681.png.webp)
![特大儲存箱](https://www.spacebox.com.hk/blog/wp-content/uploads/2022/11/box_size_bb-e1673421828926-1024x681.png.webp)
![文件箱](https://www.spacebox.com.hk/blog/wp-content/uploads/2022/11/box_size_db-e1673421486207-1024x683.png.webp)
![掛衣箱](https://www.spacebox.com.hk/blog/wp-content/uploads/2022/11/box_size_wb-e1673422149327-1024x683.png.webp)
只需三步就解決你嘅儲存煩惱
上門儲存箱服務流程簡單明暸,淨係記住呢三個程序:
- 上門儲存箱服務公司安排專人上門派發空箱
- 收到空箱之後,唔洗心急,Spacebox隨存屋畀夠14日你執好要儲存嘅物品
- 搞掂晒之後,同我哋約多次收箱日期同時間,專人就會係指定時間到你府上即時收貨入倉
用儲存箱仲唔洗擔心個倉會唔會好遠,因為呢個係點對點上門收箱運送,車隊服務範圍遍佈港九新界,而且更涵蓋偏遠地區,例如:愉景灣、沙頭角,唔洗再call車,慳咗好多時間同車錢。
從此以後出少少力執好嘢,之後就有上門儲存服務幫你輕鬆搞掂入
「執屋咁多嘢,要用幾多個迷你箱?」