【無印家具】香港蝸居輕鬆變成無印風!舒適度Level Up
好多人鍾意日本無印良品嘅家具,因為簡約風格可以帶嚟一種平靜舒適嘅感覺。但係,喺香港咁細嘅居住空間,全屋都塞滿嘢,要打造無印風格嘅家居,唔係咁容易。不過,我有妙計,可以幫大家一步一步實現夢想中嘅無印風格家居。
![無印風 無印家具](https://www.spacebox.com.hk/blog/wp-content/uploads/2023/04/modern-peaceful-bedroom-japan-style-bedroom3d-rendering-1024x540.jpg.webp)
無印家具以「自然素材」為材質
無印家具嘅設計理念係「沒有不必要的物品和裝飾,僅僅留下真正必要的東西」,希望屋企嘅物品同家具唔需要太複雜,追求實用性同簡約美學,就可以創造一個舒適又有品味嘅空間。
當中無印最常用嘅三大元素就係木材、棉、麻,所以你去到任何一間無印門市,都會留意到大部分家具都圍繞住呢三大元素。無印家具同時會亦配選高質量嘅原材料,例如實木、不鏽鋼、鋁合金等,呢一類型嘅材料具有一定耐用性,可以保證家具品質同使用壽命。
無印家具應用靈感:
木:地板、大型家具(餐桌,茶几,衣櫃等)、床架
棉:窗簾、咕𠱸套、床上布藝用品
麻:地毯、沙發套
![無印風 無印家具](https://www.spacebox.com.hk/blog/wp-content/uploads/2023/04/white-woven-carpet-background-floor-1024x683.jpg.webp)
![無印風 無印家具](https://www.spacebox.com.hk/blog/wp-content/uploads/2023/04/wooden1-1-1024x683.jpg.webp)
![無印風 無印家具](https://www.spacebox.com.hk/blog/wp-content/uploads/2023/04/cabinet-wooden-japanese-design-living-room-zen-style-empty-wall-1024x540.jpg.webp)
無印家具示範案例
無印家具除咗擁有簡約時尚感,同時亦有一定嘅儲物功能性,有效咁配合香港一般300至400呎(2至3人家庭)單位嘅室內設計。
![無印風 無印家具](https://www.spacebox.com.hk/blog/wp-content/uploads/2023/05/image-1024x576.png.webp)
![無印風 無印家具](https://www.spacebox.com.hk/blog/wp-content/uploads/2023/05/image-3.png.webp)
以馬頭圍煥然懿居兩房420呎單位,三人家庭為例。呢個單位最大特點係用橡木層架組成客廳特色牆,具備鞋架、儲物架同電視櫃功能,再配合長型客廳設計,其劃一嘅框架有助增加視覺上嘅統一性,室內收納空間更由玄關位引申至客廳,唔會浪費每一呎空間。
業主為咗擺放橡木層架後,家庭成員依然有足夠嘅活動空間,業主特意向無印良品訂製咗呢款四呎長(約122厘米)橡木餐檯同相應尺寸嘅長櫈,當中會較標準尺寸(140/180厘米長)餐檯較細,可以節省空間。
牆身方面,就揀選大地色為主色,唔單只配合無印嘅簡約風格,更可以營造溫和嘅氣氛,有助放鬆心情。
(文章轉載於:無印良品家具配置個案 https://www.muji.com/hk/compactlife2020/case8.html)
客廳示範所使用的無印家具:
![無印風 無印家具](https://www.spacebox.com.hk/blog/wp-content/uploads/2023/05/image-7.png.webp)
![無印風 無印家具](https://www.spacebox.com.hk/blog/wp-content/uploads/2023/05/image-8.png.webp)
![無印風 無印家具](https://www.spacebox.com.hk/blog/wp-content/uploads/2023/05/image-9.png.webp)
(產品圖片轉載於:https://www.muji.com.hk/zh/category.php?c=003&id=110)
無印家具除咗適合改造客廳空間感,相對較細嘅睡房室內設計亦都可以充份實現無印風。接住就分享另一個夫婦兩人家庭嘅睡房設計案例。
![無印風 無印家具](https://www.spacebox.com.hk/blog/wp-content/uploads/2023/05/image-10.png.webp)
![無印風 無印家具](https://www.spacebox.com.hk/blog/wp-content/uploads/2023/05/image-11.png.webp)
呢個睡房案例繼續貫穿無印家具簡約而多功能嘅特色,衣櫃採取開放式組合層架,選用鋼架支撐,再配木板增強穩定性,並以棉麻儲物籃同膠箱取代抽屜,夫婦可以根據物品大細而有唔同組合嘅儲物方式。係顏色選用方面,佢哋選擇咗淺色調嘅寢室布藝,再配襯番米白牆身,令間房嘅感覺更統一同舒服。
(文章轉載於:無印良品家具配置個案 https://www.muji.com/hk/compactlife2020/case1.html)
睡房示範所使用的無印家具:
![無印風 無印家具](https://www.spacebox.com.hk/blog/wp-content/uploads/2023/05/image-16.png.webp)
![無印風 無印家具](https://www.spacebox.com.hk/blog/wp-content/uploads/2023/05/image-15.png.webp)
![無印風 無印家具](https://www.spacebox.com.hk/blog/wp-content/uploads/2023/05/image-17.png.webp)
(產品圖片轉載於:https://www.muji.com.hk/zh/category.php?c=003&id=110)
最強組合:無印家具配合上門儲存服務
香港蝸居空間有限,即使好似上面提及嘅馬頭圍煥然懿居業主,屋企用咗擁有大量儲物功能嘅特色牆,但都未必夠擺哂全屋家庭成員嘅物品,擺到全屋都係雜物,最終都打造唔到果種簡約無印感覺。
點算好?推薦大家用上門儲存服務,客人可以將屋企少用嘅嘢擺入倉,而常用嘅嘢就留番係屋企,透過無印家具好好整理屋企嘅儲物空間。呢種上門儲存服務有別於市面上嘅迷你倉,客人只要用手機預約,佢哋最快第2日就上門提供儲存箱執嘢,客人可以將需要存倉嘅物品擺哂落去,執好後佢哋再有專人上門收箱送入大型倉庫。
呢種服務嘅收費亦比迷你倉更靈活抵用,用幾多箱就收幾多月費,以Spacebox 隨存屋為例,1個標準儲存箱,每箱月費只需$49起,4-5個儲存箱已經騰出好多生活空間。屋內物品數量大大減少,再配合無印家具,空間感、簡約感自然出哂嚟。