住得係香港，一到春夏兩季大家都有個共同默契，就係要防潮！但牆璧發霉總係令人防不勝防，日積月累嘅水氣已經成為咗霉菌嘅溫床，一到夏天高溫嘅時候就現形，真係令人好煩惱！
想徹底解決就要進行油漆工程，為牆璧嚟個大翻新！全屋做油漆工程免不了要大清場同執屋，裝修要暫存可以用埋上門迷你倉。繼續睇落去教你解決牆璧發霉、油漆工程流程、油漆工程預算等等資訊無私分享！
- 牆壁發霉3大元兇？
- 牆壁發霉會有咩影響？
- 牆壁發霉都可以分等級？
- 油漆工程基本流程係點？
- 油漆工程時間同預算要幾多？
- 油漆工程牆身顏色點樣揀？
- 油漆工程防霉油有咩選擇？
- 全屋做油漆工程翻新，趕退牆壁發霉！
牆壁發霉3大元兇
- 潮濕天氣
香港嘅潮濕天氣出晒名，到「回南天」嘅時候相對濕度更長期處於高位。當溫度達攝氏25至30度間，濕度80%時，就最適合霉菌滋生。
潮濕加上高溫天氣，室內外溫差造成濕氣、水氣積聚，當水氣凝結成水珠留喺牆壁上，令牆身變濕就好易造成牆壁發霉。
- 日久失修
窗戶與牆身間玻璃膠有破損、裂紋，落雨時雨水滲入裂縫中，水氣就會積存，並滲入牆身中，日積月累下就會造成牆壁發霉。
- 外牆滲水
大廈外牆、排水管或其他地方出現裂縫，造成滲水問題，令水滲入內牆繼而影響室內牆壁積聚濕氣，亦會造成牆壁發霉。
牆壁發霉會有咩影響？
牆壁發霉並唔可以放喺度唔處理，雖然起初睇落只係一啲小黑點，但由於霉菌係真菌嘅一種，唔處理嘅話只會愈生愈勁，甚至養到生菇。
霉菌對於人體健康亦有相傷害，對於呼吸道較弱人士，會好易誘發敏感發作。皮膚接觸霉菌後，亦可能出現過敏反應
牆壁發霉都可以分等級？
牆壁發霉嚴重程度可以分為輕、中、中高以及嚴重4個等級。頭3個等級嘅牆壁發霉其實都可以嘗試自己處理，去到嚴重級時就需要請油漆師傅幫手做油漆工程處理。
- 牆壁發霉 – 輕量級
牆壁發霉發現得早，屬於輕量級程度時，其實處理方法好簡單！
- 第一步：準備牙刷及毛巾，利用牙刷輕輕擦拭牆壁上有發霉嘅地方。
- 第二步：擦拭後再噴上一層酒精作殺菌用，再用毛巾輕輕一印即可。
- 牆壁發霉 – 中級
牙刷擦唔甩，代表牆壁發霉已經有好一段時間。呢個時候請準備多4樣用品：毛巾、手套、口罩、酒精。
- 第一步：先戴上口罩及手套，再用砂紙擦拭表面，嘗試磨走表面大部份霉菌。
- 第二步：擦拭後再噴上一層酒精，以根絕霉菌，再用毛巾輕輕擦拭即可。
- 牆壁發霉 – 中高級
做完以上兩樣都唔得，咁就要用到漂白水或者除霉劑。
- 漂白水大多以1:99比例稀釋，噴喺發霉位置再等30分鐘即可用毛巾輕印。想再加強效果可以將清水比例減少。
- 除霉劑就可以睇番成份適唔適合用於牆壁及乳膠漆上，詳細用法可以按照番產品說明。以下為大家推薦2款較熱門嘅除霉劑：
立邦水性防霉劑
- 專為漆面而設，不損牆身
- 能夠深入頑固霉菌根部，廣泛清除多種霉菌及藻類。
- 屬於水性、容易處理
- 適用於室外、室內牆面及木材表面
- 無味、不刺鼻
3M魔利除霉劑
- 膠狀配方、黏性特強
- 強效滲入至霉菌根部
- 覆蓋性強、可以分解及徹底去除霉菌
- 溫和、不刺鼻
「全屋油油怕甲醛殘留係屋企物品？」
牆壁發霉去到「嚴重」程度時，就一定要交比專業油漆師傅去處理，做油漆工程翻新牆壁。霉菌及牆身內濕氣過多有機會令到「甩灰」情況出現。而呢個時候重新翻新牆壁並進行油漆工程亦會係一個好嘅解決方法。
油漆工程基本流程係點？
- 油漆師傅會先鏟走整個「甩灰」及發霉範圍，再用雞毛掃掃清灰塵。
- 底層先塗上一層水性防水底漆，乾透時間大概需時一天。底漆作為防水底層，用作強化牆壁同乳膠漆中間嘅黏合劑，令表面嘅乳膠漆可以更有效及更持久。
- 水性防水底漆乾透後，油漆師傅會重新為牆壁批灰，批灰時間大概需要1-2日，批灰完成後，會再用砂紙磚打磨好牆身。
- 完成打磨後，最後油漆師傅會喺牆身油上防霉乳膠漆。
發霉部分重新油油前後對比圖
油漆工程時間同預算要幾多？
油漆工程價錢、時間多數會因需翻新、維修範圍大細而定。油漆師傅會以呎數為單位去報價，平均黎講大概係$35/呎。
全屋執灰翻油
| 單位類型 | 單位參考呎數 | 參考價目 |
| 一廳(或一房) | 200呎 | $6800 |
| 一廳一房 | 300呎 | $8300 |
| 一廳兩房 | 400呎 | $9800 |
| 一廳三房 | 600呎 | $13500 |
| 兩廳三房 | 800呎 | $16500 |
全屋鏟底批灰髹油
| 單位類型 | 單位參考呎數 | 參考價目 |
| 一廳(或一房) | 200呎 | $16000 |
| 一廳一房 | 300呎 | $8300 |
| 一廳兩房 | 400呎 | $9800 |
| 一廳三房 | 600呎 | $13500 |
| 兩廳三房 | 800呎 | $16500 |
資料來源：油漆精英 (最後更新 2024/06/19) *如有任何價目調整，一切以油漆精英官網為準
「油油最怕整污糟啲傢俬😵💫」
油漆工程牆身顏色點樣揀？
油漆翻新嘅時候可能都想順便轉埋顏色，可以睇吓屋企單位屬於邊個類型，揀啱顏色就可以提升空間感同美觀性啦！
| 自然光線不足 | 盡量選用白色、淺米白色、淺杏色，以免顯得暗沉 |
| 樓式矮或開則不規則 (如鑽石廳) | 建議使用白色、淺米白色，不同牆身再挑選其他顏色，可增加空間感 |
| 實用空間不足 (少於300呎) | 宜選用白色、淺粉紅色、粉藍色 |
| 西斜問題 | 多用淺色油漆，因為深色油漆於長期照射下容易褪色 |
2. 「八二比例」
唔想屋企得一個色咁悶，仲可以用「82比例」去揀油，首先可以記住淺色系油漆能增加空間感，深色系就顯得較沉重。所以，可將80%牆身髹作白色或淺色，其餘20%如電視牆、床頭位置之主視覺牆，則使用深色如藍色、灰色或其他顏色，令全屋望落有重點。
資料來源：消委會
油漆工程防霉油有咩選擇？
油漆工程香港做油漆嘅品牌並唔多，以下呢幾款都係常見、油漆師傅亦會用到嘅牌子。
- 立邦 防潮淨味五合一內牆乳膠漆
- 採用特別防潮透氣技術，有效釋放牆身內部潮氣水氣，降低發霉機會。
- 遮蓋力特強
- 強效耐擦洗
- 可覆蓋細微裂痕
- 環保淨味配方
- 多樂士 淨味防霉五合一牆面漆
- 防霉抗鹼
- 防潮防水
- 良好耐洗擦
- 可覆蓋細微裂痕
- 環保淨味配方
「全屋油過晒啲油，霉菌不再現」
全屋做油漆工程翻新，趕退牆壁發霉！
牆壁發霉搞到三日唔埋就「甩灰」，仲隨時發生大片剝落嘅情況，跌到屋企物品全部都係灰。真係好想搵個地方將啲物品暫存呀！再者幅牆出晒霉菌又甩灰已經達到嚴重級別，唔係自己處理到嘅情況，要快啲開始油漆工程，整靚個安樂蝸！
上門迷你倉突破傳統迷你倉嘅限制，Spacebox隨存屋提供6、8、12、24、48或以上平方呎，可以不斷延伸你嘅倉存空間，每月都只係$499起，㩒入嚟拎報價。讓您入伙前享受無憂的存倉體驗，我哋都係您值得信賴嘅裝修存倉夥伴。
