【垃圾徵費2024】垃圾徵費先推14個試行點？一文睇清3大重點、點收費
垃圾徵費4月22已經喺14個試行點展開，全面實施日子就押後到8月1。好多新嘅環保措施已陸續開始：廚餘回收、紙叉、紙餐具經已扭轉緊大家嘅食飯習慣，你又準備好未？
香港第一次推行咁大型嘅源頭減廢計劃，嚟緊抌垃圾都會徵收返一定嘅費用，奉行「污染者自付」原則，推動行為改變，以收減廢之效。聽落好似好複雜咁，今次帶你了解垃圾徵費係點運作。仲有！抌嘢唔再係執屋唯一方法，小編仲介紹埋其他方法畀你整理家居！
推行 垃圾徵費 2024 點收費？
環保署實施垃圾徵費，我哋嘅日常生活準備要加多一個習慣喇，帶你快速了解垃圾徵費注意事項！
- 垃圾徵費 14個試行點
- 第一重點：垃圾徵費「按袋」/「按標籤」收費
- 第二重點：垃圾徵收費下，點先係違規垃圾？
- 第三重點：每月垃圾徵費開支點樣計？
垃圾徵費 14個試行點
垃圾徵費呢個議題討論到沸沸揚揚，為咗檢視整套計劃嘅流程，而家有14個地方作試行點，好好讓大眾了解多啲，係8月時更積極參與回收分類。
| 試行點類別 | 試行點位置 | 涉及試行人數/商店 |
| 政府大樓 | 西九龍政府合署 | 約 2500 名員工 |
| 公營房屋 | 荃灣滿樂大廈安寧樓 | 約 450 戶 |
| 柴灣連翠邨 | 約 300 戶 | |
| 私人住宅 | 九龍城成龍居 (單幢式住宅大廈) | 約 140 戶 |
| 深水埗北河街 15 及 17 號 (三無大廈) | 沒有提及 | |
| 深水埗長沙灣道 58 號 (三無大廈) | 沒有提及 | |
| 商場 | 大埔新達廣場 | 擁有約 100 家商店和食肆 |
| 屯門卓爾廣場 | 擁有約 55 家商店和食肆 | |
| 院舍 | 新生精神康復會屯門長期護理院 (殘疾人士津助院舍) | 提供 210 個高度照顧宿位 工作人員約 90 名 |
| 屯門嘉濤耆樂苑 (私營安老院) | 提供 180 個護理安老宿位 工作人員合共約 72 名 | |
| 食肆 | 旺角鋿晶館 | 座位數目約 90 個 |
| 新蒲崗新光宴會廳 | 座位數目約 600 個 | |
| 大家樂 (金鐘海富中心分店) | 座位數目約 200 個 | |
| 大圍漢年茶餐廳 | 座位數目約 40 個 |
第一重點：垃圾徵費 2024「按袋」/「按標籤」收費
「按袋」收費
先講同我哋日常最密切必然係「按袋」收費，適用於一般垃圾，包括所有家居或工商業垃圾。
膠袋分為9種容量，由最低容量3公升（每個$0.3）到最大容量100公升（每個$11），平均等於每公升$0.11。
9款膠袋容量及價錢可以參考以下表格：
| 指定袋容量 | 價錢 (每個) |
| 3公升 | $0.3 |
| 5公升 | $0.6 |
| 10公升 | $1.1 |
| 15公升 | $1.7 |
| 20公升 | $2.2 |
| 35公升 | $3.9 |
| 50公升 | $5.5 |
| 75公升 | $8.5 |
| 100公升 | $11 |
「按標籤」收費
「按標籤」適用於大型垃圾，指未能放進指定膠袋的大型垃圾，例如餐桌、書櫃或床褥等。
重新佈置家居部分物品入迷你倉，其餘大型垃圾要棄置嘅時候，要係每件物品貼上指定標籤，每個標籤劃一收費$11。
垃圾徵費膠袋及標籤購買途徑
以上所提及的指定膠袋及標籤，大家可以到過千個獲授權嘅零售點購買，當中包括超級市場、便利店、藥房及網上平台等。
另外，留意袋同標籤皆有指定顏色及設計、防偽特徵（包括條碼、批號、二維碼），認住啲特徵，到時就唔怕買錯喇！
實施垃圾徵費，執屋都好多考慮？試吓「上門迷你倉」
第二重點：垃圾徵收費下，點先係違規垃圾？
違規垃圾係指無用指定袋包好垃圾或者無貼上指定標籤嘅都市固體廢物。
棄置垃圾時都要注意，如果無綁好袋口，或任由當中嘅垃圾刺穿袋身，都可能被視為違規垃圾。
垃圾徵費 2024 違規時罰款多少？
如果無用指定袋包妥或貼上指定標籤就棄置垃圾，將會面臨
- 定額罰款通知書，每張$1500
如違規情況嚴重
- 首次定罪最高罰款$25,000及監禁6個
- 若被再次定罪最高罰款$50,000及監禁6個月
資料來源：環境保護署官網｜垃圾收費
第三重點：每月垃圾徵費 2024開支點樣計？
我哋以2至3人家庭為例，計算每月（以30天計算）垃圾徵費買指定袋嘅支出
圖片來源：IKEA
假設用家居回收分類垃圾桶10公升垃圾桶，1日1個垃圾袋＝$1.1 x 30日＝$33/月
1日2個垃圾袋＝$1.1 x 2 x 30日＝$66/月，如此類推。
再者，垃圾徵費本意就係想大家積極參與回收活動，由源頭減廢，最方便嘅回收設施有「綠在區區」。
有回收物就記得沖乾淨儲起，拎去「綠在區區」個陣唔洗用指定袋都得，因為你可以用自己嘅環保袋帶啲回收物品（如：膠樽、紙張、汽水罐等）到回收站再放入回收桶。
「綠在區區」至今已有超過160個公共收集點，接收9種常見回收物：包括廢紙、金屬、塑膠、玻璃樽、充電池、慳電膽及光管、四電一腦、小型電器及紙包飲品盒。積極參與回收更可節省部分垃圾徵費支出，或者將少用嘅家居物品存倉都可以減廢！
圖片來源：香港減廢網站
「抌垃圾未必係大掃除唯一方法🧹」
家居整理新方法：垃圾徵費 2024在即，把握時間大掃除！
垃圾徵費實施在即，最好就係把握呢幾個月時間大掃除，無用嘅嘢就提早抌，將垃圾徵費支出減到最低。仲有其他落手執先發現好少用嘅嘢，唔知抌定唔抌好，遇上人生交叉點嘅時候，不如將呢類少用又想留嘅物品存倉，仲可以改善生活環境，住落舒適得多！
執屋最頭痕就係雜物！每年執完無耐又亂番，為咗打破呢個「執屋循環」，推薦大家用「上門儲存服務」執過多嘅家居物品入倉，以「箱」作單位計算月租，可以預約專人上門派箱同運輸入倉，拎埋報價詳情就輕鬆入倉啦！
而家「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
「上門迷你倉」令自己執屋更有效率！