【家居維修】士波令維修工程係點做？石屎剝落先兆、工程預算

有日屋企浴室個天花終於頂唔住，成片石屎跌咗落嚟，好彩無人沖緊涼，唔係就險過剃頭。搵裝修師傅睇完話要做士波令工程，「士波令」？？當場滿頭問號，裝修術語真係博大精深，繼續睇落去了解多啲士波令意思、工序、預算等。做大工程要清屋仲有上門迷你倉服務介紹埋畀你！

裝修術語「士波令」(又寫作士波寧) 其實係英文Spalling嘅諧音，係指天花或牆身出現石屎剝落，石屎剝落同時說明鋼筋氧化生銹及膨脹，會構成家居危險。

士波令亦屬樓宇常見嘅損耗問題，坊間亦都有唔少公司提供維修工程。如果發現有石屎剝落情況，為咗保持樓宇結構狀況良好同安全，係發現初期應尋求專業人士評估及維修。

裝修術語就學識喇，睇埋士波令工序係點？

工序一：裝修師傅首先會打晒快將鬆脫或粉化嘅石屎落嚟

工序二：磨走鋼筋生鏽嘅部分，再塗上防鏽油

工序三：用膠沙等防水性較強物料嘅填平缺口工序四

工序四：最後重造防水及油漆工程，有需要亦可安裝假天花作收尾

( 相關文章：【裝修必讀】浴室防水工程全解析，內文附上價錢參考 )

• 牆身表面出現水漬或銹漬
• 牆身出現濕氣、滲水或滴水
• 牆身出現批盪或飾面磚剝落
• 牆身表面隆起，大塊石屎剝落，令生銹鋼筋外露
• 牆身出現裂紋

• 持續有水氣滲入石屎令鋼筋氧化
• 石屎老化生銹
• 鋼筋受水氧化膨脹，造成石屎分離脫層
• 石屎摻雜鹹水
• 地基出現沉降
• 結構負荷過重
• 因生鏽或物料衰老而造成樓宇部份結構脆弱
• 意外造成的損毀
• 設計或建築欠佳

資料來源：卓先國際

以下價錢以 石屎修補 (30mm) (不連執灰執油) 作參考：

面積	修補物料	價錢
5個1平方尺位	用英泥沙混合添加劑簡單修補	~$3,000
20個1平方尺位	用英泥沙混合添加劑簡單修補	~$6,000
5個1平方尺位	鑿通鋼筋及用*包仔料25/40修補	~$5,000
20個1平方尺位	鑿通鋼筋及用*包仔料25/40修補	~$20,000

做報價時都可以問吓維修工程公司有無上門檢查費用，免失預算。

資料來源：富誠工程 (06/2024) 所有價錢只供參考，最新詳細請與相關人士獲取報價

士波令工程唔等得，即刻執屋約師傅！

樓齡大會令士波令出現，樓上滲水亦都係一大常見元兇，令到天花牆壁充滿隱患，若果情況不單止出現係最重濕氣嘅浴室/廁所，已經蔓延至客廳、睡房，就要盡快搵專業人士上樓檢查，慎重考慮洗唔洗幫屋企做士波令工程。

為屋企做一次全面修葺免不了要清吉間屋畀師傅做嘢，做定裝修事前準備逐項規劃好，記得租埋個輕鬆易存嘅空間，不妨考慮用上門迷你倉，小型至大型物品都有上門運輸服務到倉庫，慳水慳力。

上門迷你倉突破傳統迷你倉嘅限制，Spacebox隨存屋提供6、8、12、24、48或以上平方呎，可以不斷延伸你嘅倉存空間，每月都只係$499起，㩒入嚟拎報價。讓您入伙前享受無憂的存倉體驗，我哋都係您值得信賴嘅裝修存倉夥伴。