【廚房裝修必睇】訂造廚櫃精讀!教埋你廚房裝修3大選材準則!
廚房裝修必然要考慮整個廚房格局嘅設計,其中嘅重頭戲要數到廚櫃,因為佢盛載住全家人嘅「飯碗」。但廚房裝修要揀嘅材料款式花多眼亂,點樣先可以揀得精明又啱自己所想?成日聽啲師傅講底板同飾面又係咩?睇完呢篇精讀就即刻解開晒你嘅疑問!
廚櫃板材同飾面其實係啲咩?
廚房裝修有咁多項目,訂造廚櫃絕對佔咗一席重要之位,所以揀材料嘅時候一定唔可以馬虎。
揀廚櫃板材主要分為兩大部分:
- 底板(板材):櫃身材料,常見有夾板、纖維板、實木、不銹鋼
- 面板(飾面):廚櫃外觀材料,常見有焗漆、亞加力、木皮、防火膠板
廚房裝修訂造廚櫃有咩要留意?
既然廚櫃係廚房裝修中重要嘅一環,必需細心揀選材料同考慮耐用性,有吊櫃設計更要留意安全性,所以揀板材一定唔可以馬虎。參考坊間廚房裝修公司所推出嘅廚櫃套餐,基本預算$28000至$38000。
而廚櫃訂造公司會因應實際情況(如廚房大細、站立位置、窗口方向、橫樑等)去設計廚櫃形狀,一般可分為一字型、L型、U型或島型等。
圖片來源:雅緻歐化家具
廚櫃板材各有特色,點樣揀?
夾板 | 纖維板 | 實木 | |
特點 | – 細芯板:由幾層薄木板拼貼組成 – 大芯板:用兩層薄木夾住拼合木條而成 – 有分3、5、7層,夾層愈多,硬度同承重力都愈高 | – 由木碎同黏合劑組成 – 有分為高、中、低密度 – 多見中密度嘅纖維板用於廚櫃底材 | – 有分為全實木 / 實木拼板 – 全實木材料罕有 而且製作時工序繁複,市面上較少公司會製造 |
優點 | – 防潮效果好 – 承重力較強 – 唔易變形 – 易清潔 | – 有一定承重力 – 表面及收邊位平滑 – 易以搭配不同飾面 | – 堅固耐用 – 壽命長 – 帶天然質感及紋理 |
缺點 | 表面較粗俗,做飾面時需額外程序處理 | 浸水、受潮時會發漲同變形 | – 原料極貴 – 以原塊實木製作出嘅傢俬易有開裂風險 |
價錢 | 較高 | 中等 | 價錢會因木材罕有度而定 |
「裝修最怕搞到塵土飛揚,家居物品搬去邊好?」
廚櫃飾面邊款又靚又有性價比?
焗漆 | 亞加力 | 木皮 | 防火板 | |
特點 | – 可做出多種效果 (如啞光、亮光、金屬面、木紋等) – 焗漆大多以纖維板作底材,效果會較理想 | – 亞加力屬有機玻璃 – 需先於表面做噴漆處理後再壓上亞加力而成 | – 木皮以真木刨成嘅薄片 – 唯一天然紋理飾面 – 有分為天然/人工紋理後者價錢會稍低 | – 以飾紙加入美耐皿壓製而成 – 多種牌子都有供應 |
優點 | – 視覺效果一流 – 顏色較艷麗 – 防污力強 – 不易褪色 | – 效果與焗漆相似 – 可做到多種唔同效果 (如岩石面、鏡面、水晶面等) – 較輕身 | – 適用於唔同板材 – 可作索色處理 – 改變木色深淺度 | – 款式選擇多 – 耐磨 – 阻燃 – 防潮 – 易清潔 |
缺點 | – 易刮花 – 耐磨度一般 | 較易刮花 | 耐磨度一般 | 需額外封邊,否則邊角位會露出黑邊 |
價錢 | 中等 | 較平 | 高 | 低至高皆有(因牌子而定) |
想要做鮮艷、飽和度高嘅色彩可以揀亞加力(左),鐘意自然簡約、北歐風嘅推薦人工木皮(右)
![](https://www.spacebox.com.hk/blog/wp-content/uploads/2024/04/廚房裝修-2-732x1024.jpeg.webp)
![](https://www.spacebox.com.hk/blog/wp-content/uploads/2024/04/廚房裝修-1-694x1024.jpeg.webp)
圖片來源:雅緻歐化家具
「搞裝修前要大執屋,咁多嘢點算好?」
廚房裝修點Plan?教你3大選材準則
- 預算
廚房裝修同任何裝修一樣,喺決定設計同選材前,首要考慮當然係預算。喺決定好預算後,可以因應喜好而選擇適合嘅材料去做設計。假如預算唔多又無特別要求,最常見又經濟嘅選擇會推薦纖維板搭配焗漆。
- 下廚習慣
廚房裝修同廚櫃設計想做到最好嘅配合,可因應自己下廚次數或者習慣去決定整個廚房裝修方向及選材。例如你每日都會下廚,建議可選用較實用、堅固耐用度高、易清潔又不易刮花嘅板材及飾面,如纖維板、不銹鋼等。
- 外觀設計
廚房有實用性之餘,廚房裝修嘅外觀設計都相當重要,整得夠靚煮嘢食都開心啲!廚櫃設計用料、顏色同外型上都需要配合到整個廚房裝修規劃,由於唔同板材同飾面做出黎嘅效果不一,可以因應整個廚房佈局去決定。
廚房裝修除咗訂造廚櫃,近年嚟都多咗唔少人考慮整開放式廚房,如果想了解多啲不妨睇埋整開放式廚房有咩要注意。
「裝修schedule唔好漏咗提前執屋清場呀!」
廚房裝修搞到屋企好亂點算好?呢度幫到你!
諗住都係廚房裝修執哂啲物品出廳,搞到間屋睇落好亂好污糟、甚至無路好行?唔想因為短暫嘅廚房裝修而搞到心情好差,其實可以考慮下使用「上門儲存服務」!可以輕鬆幫你將因為廚房裝修執出黎嘅物品存倉,重新還原屋企空間!
「上門儲存服務」有唔同類型嘅箱可以揀,例如:標準儲存箱、特大儲存箱、掛衣箱,可以根據個人需要去選擇。而價錢方面,簽6個月儲存箱計劃,每月最低消費只係$180起,抵過租傳統迷你倉好多。
![掛衣箱](https://www.spacebox.com.hk/blog/wp-content/uploads/2022/11/box_size_wb-e1673422149327-1024x683.png.webp)
![標準儲存箱](https://www.spacebox.com.hk/blog/wp-content/uploads/2022/11/box_size_sb-e1673421626680-1024x681.png.webp)
![特大儲存箱](https://www.spacebox.com.hk/blog/wp-content/uploads/2022/11/box_size_bb-e1673421828926-1024x681.png.webp)