【裝修攻略】裝修事前準備 逐項教你規劃好
一個好嘅全屋裝修最少可以用到十年以上，唔想住落先發現仲有好多手尾跟，係揀定裝修公司前就一定要做足功課，爬開文就會發現要注意嘅細節位真係好多，為咗大家唔洗爬文爬到通宵，小編今次一文結合裝修前需要規劃嘅事情同知識。
1. 比較不同裝修平台
再者，而家出現咗好多裝修平台提供免費報價，方便格價，仲可以參考埋師傅過往嘅案例，了解佢哋嘅裝修風格同做工質素。
無論新居入伙定想改造居住環境，第一步必定係計清楚有幾多裝修預算。因為預算嘅多少會影響整體裝修嘅範圍同品質，當中包括材料費、施工費、設計費等。有多啲預算嘅朋友仔，可以揀一間室內設計公司代勞，設計一間美觀又啱自己生活動線嘅屋企。
香港比較大型嘅裝修平台有：
- 好師傅：提供免費配對服務，可預先睇吓師傅嘅質素；更有3次免費驗收，準時完工率達97%
- 裝修佬：可免費度尺，提供智能配對作初步報價。設有子網站裝修Mall去選購裝修面料或其他增值服務。
- 師傅GO：嚴格認證師傅嘅牌照，更設立師傅簡介及評分機制，協助大家揀到最好嘅師傅
- Decoland香港裝修平台：透過佢哋嘅平台成功配對裝修公司後，報價到工程有專人全跟程進、提供QC服務、審查報價等
揀中手勢差嘅裝修師傅真係頭痕，隨時又要拎多筆錢出嚟補鑊
2.全屋裝修工序流程
認識裝修工序流程都好重要，可以了解裝修進度又可以問多啲收費細項，而裝修流程通常可分為五大部分：
- 清拆
- 基建（水電，泥水）
- 油漆及木工
- 裝嵌
- 收尾（清潔，執漏）
| 清拆 | 拆除舊裝修及砌新牆 |
| 基建 | 泥水工程：平整地台及牆身、防水工程、鋪貼磁磚 |
| 水電工程：鋪設水喉、電線、煤氣、寛頻等入牆管線；安裝分體式冷氣或鋁窗 | |
| 油漆及木工 | 油漆工序：牆身及天花板剷底、批灰、上油 |
| 木工前期：為訂造傢私覆尺、安裝假天花、現場製作窗簾殼、冷氣殼等 木工後期：安裝訂造傢俬、地板、木門、門框等，再完成收口 | |
| 裝嵌 | 安裝訂購好的電器、燈具、掣面、潔具（瓷盆、鋅盆、馬桶、水龍頭）、窗台石等。 |
| 收尾 | 裝修完成後，師傅會幫你安排基本清潔，例如清理剩餘物料和清走裝修垃圾。 |
「裝修大清場，係時候搵定地方擺傢私喇！」
介紹你睇埋：【裝修租倉】裝修存倉比較&注意事項？呢篇一眼睇曬！
3. 要問清楚裝修收費細項
好多裝修公司都只會用呎數嚟計報價，呢種報價形式只可以用嚟參考預算總數。以近期市價為例：250至400呎（一廁）$20萬至32萬；400至550呎（一廁）$32至44萬；550至700呎（兩廁）$44至56萬。
以上列出嘅價錢好多時都仲未包訂造傢私（廚櫃、入牆櫃、訂造床等）、面料（磁磚、水龍頭、浴屏、門，連門框及鎖、五金等）。所以為揀好裝修公司之後一定要問埋中間細項幾錢點計，可以要求印埋詳細嘅報價單，報價單同時避免「待定」字眼，預早為裝修工程定案，唔好師傅開晒工先嚟改嘢。
付款安排上，為咗保障自己，最少要分4期過數。報價單上都要列明預計完工期，延遲完工有無罰則及有無保養期。
整個裝修流程完成後要記得驗收，因為裝修通常包一年保養期，發現有問題記得即時搵番裝修師傅處理，享受最佳嘅居住環境！
4. 裝修前了解全屋電壓負荷
知道全屋電壓負荷有咩咁重要？因為全屋最大電荷係左右住你買幾大功率嘅電器。小編有朋友屋企成千尺，但由於係舊式樓宇，唔夠電荷同時支撐咁多電器，最後要放棄好多擁有高階功能嘅電器，因為呢類電器嘅功率會特別高。唔想搞到全屋企成日跳掣，就要知道點樣計出最大電荷。
如果本身對電荷有認識，不妨試吓用呢條公式：
電流 / 安倍 (Ampere) = 電功率(Watt) ÷ 香港電壓 (220Volt 單相電 或 380Volt 三相電)
即係將所有需同時開動的電器的電功率(W)加起來，除以香港電壓 220(V) 或 380(V)，就會得出電流值(A)。
如果係第一次接觸，可以一步一步咁了解。首先，供電量一般是依據電箱供應多少安倍(Ampere)的電量，香港住宅單位供電通常最少有60A電流量，部分舊樓可能只有30A。舊樓要多加留心耗電量大的電器，包括速熱式電熱水爐、多頭嘅嵌入式電磁爐、冷氣、暖爐等，很可能會有電流不足問題，不能同時開啟幾種電器。
知道屋企係幾A電量後，要睇吓屋企係單相電定三相電。香港單相電係220V；三相電係380V。簡單嚟講三相電比單相電可以負荷更多嘅電壓。但一般而言，大部分香港屋苑都係單相電220V，只有新樓先大機會有三相電；村屋或者獨立屋可以自行申請單相轉三相。
最容易知道單相定三相嘅方法係可以去check吓屋企嘅電力公司電錶面，錶面如果寫住： “3P4W”、 “3-phase-4-wire”、”380V，3x220V” 等字眼，咁就顯示係行緊三相電；而單相電就會寫住 “1P2W”、”1-phase 2-wire”、”220V”等。
驚睇錯都可以直接打去大廈物業管理或者電力公司查詢自己嘅單位係行緊邊隻電。
圖片來源：港燈電力投資新聞稿 《港燈推出全新流動應用程式 配以智能電表 提升能源效益》
為咗大家更好理解點計，參考港燈《電器用電量一覽表》中嘅電功率，假設屋企會同時開：
| 電器 | 電功率（W） |
| 冷氣機（1匹） | 960 |
| 煮食焗爐 | 2000 |
| 電爐餅 | 2500 |
| 雪櫃（自動溶雪170公升） | 115 |
| 電風筒 | 1200 |
資料來源：港燈 《電器用電量一覽表》
然後，套用計算電流公式：
電流 (A) ＝ 同時開動電器功率(960＋2000＋2500＋115＋1200) W / 電壓220V ＝31A
所以以一般家庭供電量60A，行緊單相電220V而言，日常家電同時使用時都未超出最高電荷量。
但當然唔一定係話計啱數就寫包單安全，屋企跳掣都會因為室內電線老化、天氣潮濕或者因裝修損害到電線。所需電流較大嘅電器（如：電磁爐）有機會將隱藏問題帶出嚟。如果因為開大功率電器而重複發生跳掣，除咗搵供應商檢查電器亦可能要聘請電工檢查，搵出源頭，咁就住得開心又放心喇。
「裝修存倉應該要準備幾多預算🤔？」
突破傳統迷你倉形式：【Spacebox隨存屋】一文了解什麼是上門迷你倉/上門儲存服務
裝修規劃好，屋企啲傢俬、雜物應該點處理？
但裝修正式開工前，屋企原有嘅傢私、物品都需要一個中轉站去儲存，有無諗過用Spacebox隨存屋嘅上門儲存服務？我哋有別於傳統迷你倉，儲存傢私呢類大型物品可用呎數去計算租金，免費為你報價。唔洗自己Call車運送物品到迷你倉，預約後會有專人上門收貨，仲幫手搬！
上門迷你倉 – 用呎數計倉租係咩意思？
首先要話咗畀我哋知你要儲存啲咩物品，上門迷你倉適合倉存大型物件，例如梳化、組合櫃、公司擺Booth物資，我哋會計算物品嘅總體積再建議所需嘅平方呎，最熱門嘅平方呎有：12或24平方呎。
12平方呎（高度限制5呎）最多可以擺到20個透明膠箱；又或者擺
- 26吋行李箱 x1
- 兩座位梳化 x1
- 單人椅 x1
- 層架 x1
24平方呎（高度限制5呎）等於有多一倍嘅空間可以用，所以最多可以擺到40個透明膠箱；又或者擺
- 80L 有轆透明膠箱 x6
- 28吋行李箱 x2
- 兩座位梳化 x1
- 單人椅 x1
- 層架 x1
- 紅白藍袋 x2
上門迷你倉突破傳統迷你倉嘅限制，Spacebox隨存屋提供6、8、12、24、48或以上平方呎，可以不斷延伸你嘅倉存空間，每月都只係$499起。而家可以透過手機APP影相紀錄物品，仲可以預約物品嘅入倉同埋出倉，咁就唔怕唔記得自己擺過啲咩入倉啦！