【雲石入門班】一文睇清雲石種類、價錢同保養方法！
雲石比人感覺高級、簡單中帶點奢華感，喺室內裝修方面一向都好受歡迎，亦常用於酒店、高級商廈及住宅等。雲石唔單單係得雲石紋咁簡單，當中有細分眾多款式，例如較常見嘅有「中花白」，而每個款式都係獨一無二。
與此同時，雲石喺日常保養上亦都相當花心機同時間，變相利用雲石作為裝修用材，預算亦會相對較高。想了解更加詳細關於雲石，又或者有興趣用雲石做屋企裝修嘅材料，不妨繼續睇落去！
雲石其實係咩嚟？
- 雲石係天然石，屬於大理石一種。顧名思義就係指有雲圖花紋嘅大理石。
- 雲石來自沉積岩，由地下水溶解石灰等物質，逐層沉積而成。而雲石嘅紋理就係來自地下水中嘅雜質。
- 雲石形成嘅主要成分為碳酸鈣，因而質地堅硬，但呢種成分一接觸到酸性就會溶解。
雲石種類有幾多？
雲石因為係天然石，所以種類亦都相當多。雲石公司會按雲石紋理同顏色作分類，而每一塊雲石嘅紋理同顏色都係獨一無二。
常見10種雲石種類
1.卡撒灰
- 產地：意大利厄爾巴島
- 灰色帶有自然豐富、細膩紋理
2. 戴安奴
- 產地：西班牙
- 啡黃色帶有溫和及天然獨特紋理
- 經打磨後色澤同亮度會相對突出
3. 紫羅紅
- 紫紅色夾雜純白/翠綠色線條
- 帶有中國式風格
- 效果較高貴大方，大多用於酒店、會所或商用工程
4. 中花白
- 較常見嘅雲石款式
- 灰白色並帶有細密紋理
5. 西班牙米黃
- 米黃底色中帶有少量幼身紅線紋理
- 光亮度較佳嘅雲石款式
- 呢款雲石又有細分為4個種類：常規米黃、紅米黃、閃電米黃、水印米黃。當中底色由淺白到深黑色都有，同時均帶有幼身紅線紋理。
6. 玫瑰紅
- 珊瑚橙色帶有白色及淺粉紅色紋理
- 使用效果較溫暖、柔和
7. 深啡網
- 淺啡、深啡底色中混雜有淺白絲線，有如蜘蛛網狀嘅紋理效果
- 立體感強、層次豐富、紋理晶瑩剔透
- 屬沉穩風格嘅雲石款式
8. 利比亞灰
- 淺灰底色中帶有深灰及淺白色絲狀紋理
- 紋理相對較清晰、細膩；光度亦不錯
- 屬簡約、樸素風格嘅雲石款式
- 質地比其他雲石會較脆弱
9. 大花綠
- 帶有唔同程度綠色紋理雲石，如淺綠、墨綠、蘋果綠等
- 其紋理類像蛇狀，屬花崗岩類
- 屬於大氣、沉穩風格嘅雲石款式；大多會用於酒台大堂
10. 塞爾維亞灰
- 灰白底色帶有啡色紋理
- 紋理相當清晰；容易打磨成高光度
- 簡單、樸素風格嘅雲石款式；大多用於窗台位置
「做雲石工程驚整到屋企啲嘢污糟😵💫」
雲石點綴家居，打造現代輕奢華感？
正如一開頭講到雲石係天然石材，最大特點就係擁有獨一無二嘅天然紋理同顏色，愈趨少有嘅材料就愈能帶出輕奢華感。而家嘅現代室內設計風格都不時加入雲石作為全屋亮點，例如電視牆、訂製茶几、飯枱等從而打造屬於自己舒適又不失氣派嘅家居。
圖片來源：am PLUS Designs Limited
雲石工程預算要幾多？
| 項目 | 價錢 |
|---|---|
| 雲石磚 | 物料：$70 – $250/呎 鋪工：$70 – $80/呎 |
| 雲石吸咀 | $400 – $800/支 |
| 雲石石材 | $70 – $200/平方呎 (以面積計) $800 – $2,000/直呎(以寬度計) |
| 雲石磨邊 | $20 – $100/橫呎 |
| 鎅水喉孔 | $50 – $100/個 |
| 鎅見光孔 | $400 – $1,000/個 |
「鋪雲石咁大灰塵，將傢俬存倉就最穩陣」
雲石幾時先要打蠟保養？
雲石最怕就係酸性，亦屬容易被侵蝕嘅性質，日常清潔只需要用清水。雲石喺安裝工程時經已塗上雲石專用嘅黏合劑、水晶蠟作為表面保護層。
如果想雲石狀態保持得更好，就需定期保養檢，打蠟、打磨、拋光等工序當然要交比專業人士去處理。如果見到雲石出現以下7種情況就需要做維護工程喇。
需要進行雲石維護的7種情況
- 表面失去光澤，變得暗啞及反射視覺效果
- 紋理出現色澤偏離，整體紋理有差別
- 表面出現裂紋，並有延伸情況
- 受到強酸/有害化學物侵蝕
- 表層/底層變黑及有擴散跡象；表面/後方有發黃銹蝕情況
- 雲石表面出現反白、吐色/食色情況
- 雲石經常受紫外光照射/潮濕天氣影響
資料來源：權力雲石護理公司
雲石表面出現裂紋，並有延伸情況
雲石受到強酸/有害化學物侵蝕
雲石表面出現反白、吐色/食色情況
雲石室內設計就心中有數，裝修存倉又諗好未？
屋企個裝修用咗10年以上，睇咗唔少現代感嘅雲石室內設計，真係簡單得嚟又好Grand！終於下定決心將屋企翻新做輕奢華風格，翻新之前要開展大執屋工程真係唔容易！執完嘢可以放去邊？不如試吓用上門迷你倉，不論要存放小型物件定傢俬，都會有專人上門運輸。
上門迷你倉突破傳統迷你倉嘅限制，Spacebox隨存屋提供6、8、12、24、48或以上平方呎，可以不斷延伸你嘅存倉空間，每月都只係$499起，㩒入嚟拎報價。讓您入伙前享受無憂的存倉體驗，我哋都係您值得信賴嘅裝修存倉夥伴。