【必睇】開放式廚房有咩限制?要入則?唔用明火?裝消防設備?
整開放式廚房有林林總總嘅原因,有啲人係因為喜歡邊煮邊宴客,做到「熱住上」又可以同班朋友傾偈。有啲人就相反係少煮嘢食,唔怕有油煙味,開放式廚房可以令到間屋更開揚。因此開放式廚房多年嚟都係熱門廚房設計。繼續睇埋開放式廚房有咩注意同限制,咁就可以有個靚廚房啦!
開放式廚房一定要入則先可以做?
開放式廚房到底係咪一定要入則先可以做?其實係視乎番以下兩點:
- 查清楚原有單位嘅廚房設計係咪梗廚,亦即係圍封式廚房。假如係由梗廚改建,就要喺裝修前先翻查大廈公契同圖則,睇清楚改建做開放式廚房嘅部份,有冇涉及主力牆或結構牆。如果無涉及,就可以正式入紙申請改建。
- 假如改建成開放式廚房嘅位置接近單位內主要逃生出口,亦有可能違反消防條例。
開放式廚房可唔可以用明火?
![](https://www.spacebox.com.hk/blog/wp-content/uploads/2024/04/開放式廚房-5.jpeg.webp)
圖片轉載至:EcHouse
網上有唔少傳言,開放式廚房唔可以用明火煮食,只能用電磁爐呢類無火煮食。但其實呢個係一個誤解,根據《2011建築物消防安全守則》
- 無規定開放式廚房必須使用指定煮食爐具
- 只要開放式廚房裝修上採用嘅消防工程方法達至所需嘅消防安全水平
- 留意番大廈公契中有冇規定煮食爐具嘅種類
資料來源:香港消防處《防火工作 – 開放式廚房單位的消防安全》
「梗廚變開放式廚房要清場,咁多嘢擺邊好!?」
開放式廚房2大必備消防設備
根據消防處《開放式廚房設計的住宅單位之消防安全設備要求》,開放式廚房必須按照相關守則安裝指明消防裝備及設備,當中包括:
- 設有聲響警報基座的煙霧偵測器
- 消防花灑器
![](https://www.spacebox.com.hk/blog/wp-content/uploads/2024/04/開放式廚房-4.jpeg.webp)
圖片來源:明報
當然最重要係決定改建原有廚房成開放式廚房時,先諮詢清楚有關專業人士咁就最安心啦!
開放式廚房啱唔啱你?即睇開放式廚房優缺點
開放式廚房 | 傳統式廚房(梗廚) | |
優點 | – 外觀變化較多 – 有助提升整體家居裝修和諧度 – 增加室內空感 – 吧枱式設計: 煮食時可與屋企人、朋友傾偈交流 | – 隔絕油煙及減低廚食氣味傳出客廳 – 梗廚相對安全: 假如屋企有小朋友/寵物,可減低受傷同意外風險 |
缺點 | – 油煙易飄散到全屋 – 未必每個單位都可以改建 | – 香港梗廚空間普遍較細 – 下煮時就只能一人專心下廚,難以與人交流 – 夏季煮飯會相對較熱 |
「裝修沙塵滾滾,提早執嘢入倉就唔怕整污糟喇!」
廚房要砍掉重練大改建,唔想搞到屋企七國咁亂?
由梗廚變開放式廚房,要拆牆重練真係大工程,唔一早清空間屋隨時搞到七國咁亂!屋企嘅睡房仔又點可以收得到全個廳嘅傢俬同物品呢,真係好想搵到個啱用嘅裝修倉呀!小編誠意介紹上門儲存服務,唔怕執嘢執到頭暈轉向,仲要自己搬出搬入,大中小型物品通通有專人運輸入倉!七國即時統一番,煩惱盡消!
「上門儲存服務」有唔同類型嘅箱可以揀,例如:標準儲存箱、特大儲存箱、掛衣箱,可以根據個人需要去選擇。而價錢方面,簽6個月儲存箱計劃,每月最低消費只係$180起,抵過租傳統迷你倉好多。