【怕揀錯迷你倉後悔?】租倉前5大注意事項避免中伏
我哋成日都將土地問題掛係嘴邊，唔係個個屋企都過千呎有咁多位擺嘢，所以而家愈嚟愈多人租多個迷你倉嚟擺雜物。但市面上有成過百間選擇，真係驚隨時中伏，簽咗約又唔係咁易甩身。小編今次就講吓租倉前有邊5大樣嘢一定要注意，再加深你對上門儲存服務嘅認識。
1. 租倉都有分實用面積？
買樓就聽得多實用面積，而家連租倉都有分實唔實用面積。因為有啲倉嘅間隔會橫跨咗橫樑柱位、有啲又會多咗個窗台位凸出嚟，令到真正擺嘢嘅空間少咗好多。建議租之前要親身視察環境，帶埋尺去度都仲得！
2. 迷你倉公司有無提供存倉物品保障？
自從發生過好多單迷你倉大火事件，好多租戶先知道存倉物品保障嘅重要性，意外過後先知啲公司無買保險。點解咁多倉公司都無買保險？因為保險公司好難為每件存倉物品定上市價，例如一張限量黑膠唱碟市場二手市場賣$500，而保險公司認為只值$100，所以得少數保險公司願意提供保險，而且投保金額都非常高，會影響經營者盈利。
所以好多租倉合約會列明唔包括任何水火保險，需要租戶自行承擔損失。簽約之前最好問清楚相關細節，要清楚明白保障範圍，例如人為嘅天花漏水又會點計。有疑慮嘅話都可以自行購買額外保障。
獲取最新「全港迷你倉價目表」比較各區價位！
3. 一嚟就簽長約？定揀短啲租期？
決定好用邊間公司之後，就睇吓簽長約定短約。大部分存倉租約最低消費半年至一年，預繳長約仲有額外優惠。簽約之前應該係網上睇吓用家評價好唔好，Google View嘅評價都好值得參考。做好功課再簽約就可以避免用咗啲服務參差、存倉環境唔理想、保安欠佳嘅公司。唔係到時就要捱完份約先有得轉倉。
4. 間公司咁新，信唔信得過？
迷你倉呢個行業競爭都好大，周不時就有新公司開張又或者捱唔住結業，撞正經營不善嘅公司，隨時被迫短時間內退倉，一時三刻要轉去另一間倉真係要用好多人力、物力、財力。如果唔想遇到有伏嘅公司，建議大家揀最少成立咗五年嘅公司，至少確保各方面已經上晒軌道，有一定質素嘅服務。
5. 新興嘅「上門迷你倉」真係送到上門口？
除咗大家熟悉嘅「自助式迷你倉」，近年都出現唔少「上門迷你倉」公司，成個收貨過程會有專人上門，唔洗自己送去倉，租金相對較平。不過，要注意部分上門存倉服務公司唔會嚟到屋企門口，最多只會送到泊車位交收。所以要睇清運送條款，大部分都有列明喺網頁。
( 仲想睇多啲：【裝修租倉】裝修存倉比較&注意事項？呢篇一眼睇曬！)
「唔好走住，睇埋租倉每月平均幾錢啦！」
邊間「上門迷你倉」過到五關？
點解要揀Spacebox隨存屋？皆因Spacebox隨存屋嘅連過五關，照顧得晒以上五樣注意事項！
1. Spacebox隨存屋係按你儲存嘅數量再報價，一定唔會偷位而令你少咗位擺嘢
2. 物品保障？有！每件儲存物品都有HKD1000保障
3. 長約同短租都有得揀，喺Google Review獲得4.8星好評
4. 承諾直到你家門交收存倉物品
5. Spacebox隨存屋成立於2014年，更榮獲SSAA (Self Storage Association Asia) 所頒發「年度最佳上門迷你倉2023」，已經累積10,000位客戶，信心保證
Spacebox隨存屋旨在提供更優質更方便嘅儲存服務畀大家，無論係搬屋裝修短期存倉、公司長期文件儲存、保存嗜好收藏品定只係想儲存屋企雜物，都可以揀Spacebox隨存屋嘅「上門儲存服務」，唔洗再煩啲嘢擺去邊喇！