【香港LEGO儲物達人】自砌本地交通工具睇得仲郁得

黎緊會同大家介紹香港唔同嘅儲物神人, 而今次嘅主角係Lego達人。一直以黎, 都有樂高迷砌本地建築, 但偏偏就無咩交通工具嘅成名之作。最後, 因為一位前輩講句野，就啟發左呢位神人去設計唔同本土車。曾經見過佢Post唔少載滿曬LEGO嘅儲物箱, 小編真係相信D LEGO多到可以堆座山出黎。

「創作自己喜歡的東西又真係好正，至少是無壓力創作」

呢位人兄就係廖振宇 (阿宇)，佢嘅Facebook( Shineyu Corner )已經有多達12,000個粉絲。曾經佢被Unwire邀請做訪問果陣，表示細細個已經鐘情於Technic 系列嘅 LEGO，但後黎覺得砌套裝LEGO 已經滿足唔到佢，但又不想曬左D拆左出黎嘅積木。最後，就開始自行砌左唔同有用嘅野，包括大家學生時代最想要嘅罰抄機等。

「點解一啲成日眼見嘅交通工具都唔去砌？」　　

三年前，阿宇開始砌外國嘅重型車輛，但一位前輩反問佢，點解要砌我地不會接觸嘅野，香港睇到嘅交通工具仲值得去砌。於是，阿宇就轉去砌有本地特色嘅車同物品。佢為左要做到100%相似，唔單只自行噴油，仲研究堅韌骨架。其中一件成名之作，就係有遙控功能嘅城巴，真係直頭同宜家嘅城巴一個餅印，真係睇得又郁得。

一買就3盒屋企就黎塞到爆

如果有玩開LEGO嘅你, 每款最少買2盒至3盒是常識吧？一盒自己砌, 一盒用黎收藏唔會開封, 而最後一盒就係用黎等升值。而且，你可能亦都會好似阿宇一樣，收埋好多箱零件。最後，屋企放到好似開LEGO店咁，東一盒西一盒，連訓教都俾LEGO圍住。其實咁樣做會影響日常身體健康，如果有興趣可以睇番【家居冷知識】太多雜物會否影響健康。