【印花稅懶人包2024】 首置交邊款印花稅?一文為你解釋印花稅!
首置嘅你係咪有啲資訊爆炸嘅感覺?發覺買樓唔止俾首期咁簡單,仲有一堆數要找?除咗佣金、律師費、裝修費,仲要諗埋舊屋有幾多嘢要清走,係咪要搵定地方做存倉?2024財政報告一出,印花稅又話撤辣,小編帶你認識多啲印花稅。印花稅點解要交?繼續睇落去就知!
印花稅係啲咩?一定要交印花稅?
根據香港法例 -《印花稅條例》,喺香港買賣物業時會被政府徵收一定金額嘅印花稅,以確立文件嘅法律效力,否則當文件牽涉法律訴訟時,法庭係唔會受理。
![](https://www.spacebox.com.hk/blog/wp-content/uploads/2024/03/印花稅-005.png.webp)
![](https://www.spacebox.com.hk/blog/wp-content/uploads/2024/03/印花稅-003.png.webp)
而家加蓋印花除咗紙張形式申請,到香港政府一站通可以使用24小時電子加蓋印花服務
印花稅有幾多種?全部要交哂?
印花稅共有4種:
- 從價印花稅(AVD)
- 額外印花稅(SSD)
- 買家印花稅(BSD)
- 新住宅從價印花稅(NRSD)
從價印花稅(Ad Valorem Stamp Duty)
- 必須繳交
- 俾完「大訂」同「細訂」後,喺「打𨤳印」時交,以確立文件認受性。
- 首置者稅率會較低,由0.01%到4.25%不等,會因購入單位樓價上升有別。
- 非首置者係劃一交7.5%,稅率不受樓價影響。
*擁有香港永久性居民身份,又係首置嘅你,只需交從價印花稅(AVD)!
額外印花稅(Special Stamp Duty)
- 政府喺2008年金融海嘯後,為壓制樓市過熱、針對炒家而訂。
- 買家喺購入單位後24個月內(禁售期)賣出單位,最高要交樓價20%嘅額外印花稅。
- 額外印花稅會計業權分數,如只係出售部份業權,就淨計該部份嘅額外印花稅。
- 近親轉讓、法庭令轉讓(如遺產物業)、居屋轉名、送契均可豁免額外印花稅。
轉手時間 | 購入後6個月內放售 | 購入後6-12個月內放售 | 購入後12-24個月內放售 |
應繳印花稅比率 | 樓價20% | 樓價15% | 樓價10% |
買家印花稅(Buyer Stamp Duty)
- 境外投資者(非香港永久居民)、以公司名儀買樓人士需繳交。
- 劃一收取樓價7.5%
新住宅印花稅(New Residential Stamp Duty)
- 境外投資者(非香港永久居民)、再次置業人士及用公司名義買樓人士需繳交。
- 劃一收取樓價7.5%;非置業而又係香港永久性居民則可豁免再交買家印花稅。
*留意番,啱啱出爐嘅2024-25年度財政預算案已經全面撤辣 – SSD、BSD及NRSD均會取消。
「執屋同買樓一樣都要 well planning!」
首置印花稅點計?到底要交幾多?
![](https://www.spacebox.com.hk/blog/wp-content/uploads/2024/03/印花稅-002.jpeg.webp)
要計印花稅並唔難,只要集齊以下條件,就可以計到啦!
物業類型
- 物業為住宅單位性質,印花稅就會受到其他因素而有變化。
- 物業屬非住宅單位性質(如車位、地鋪及工廈等),就要交第二標準稅率嘅從價印花稅,稅率唔會因係首置或非首置而有別。
第二標準稅率
買家身份
買家身份 | 首置+香港永久性居民 | 非首置+香港永久性居民 | 境外投資者/公司名義 |
從價印花稅 | 繳交第2標準稅率 | 繳交第1標準第1部稅率 | 繳交第1標準第1部份稅率 及買家印花稅 |
第一標準第一部税率
- 於2016年11月5日 – 2023年10月24日間購入嘅住宅物業, 税率劃一為樓價嘅15%; 而於2023年10月25日或之後購入則税率劃一為7.5%
*提提大家,一般住宅買賣要喺簽完首張協議/轉易契後30日內交印花稅,遲交就要罰錢!
遲交日數 | <30日 | >30日,<60日 | 其他情況 |
罰款金額 | 印花稅款嘅2倍 | 印花稅款嘅4倍 | 印花稅款嘅10倍 |
「買樓已經頭到大,唔想搬屋執屋都頭大?」
份樓契終於簽咗,係時候諗定屋企啲嘢執去邊
雖然24-25年全面「撤辣」,但相信大家睇完今次嘅印花稅懶人包,都對印花稅有個概念。買新樓前除咗要儲首期、睇樓,其實都可以諗定搬屋執屋時要準備嘅事!多數搬屋都好難一次過帶走哂「家中珍寶」去新屋,帶唔走嘅點算好?一於就用「上門儲存服務」,將佢地存倉咁就放心哂啦!
「上門儲存服務」有唔同類型嘅箱可以揀,例如:標準儲存箱、特大儲存箱、掛衣箱,可以根據個人需要去選擇。而價錢方面,簽6個月儲存箱計劃,每月最低消費只係$180起,抵過租傳統迷你倉好多。
![掛衣箱](https://www.spacebox.com.hk/blog/wp-content/uploads/2022/11/box_size_wb-e1673422149327-1024x683.png.webp)
![標準儲存箱](https://www.spacebox.com.hk/blog/wp-content/uploads/2022/11/box_size_sb-e1673421626680-1024x681.png.webp)
![特大儲存箱](https://www.spacebox.com.hk/blog/wp-content/uploads/2022/11/box_size_bb-e1673421828926-1024x681.png.webp)