【衫衫不盡】舊衣回收懶人包 全港200個地點，Uniqlo、GU、ZARA
執屋個陣其中一樣令人頭痛嘅物品，「衫」必需榜上有名，每季都推陳出新、季尾減價又忍唔住買，真係「衫衫不盡」衣櫃已經塞爆晒！直接拎去抌又覺得好嘥，舊衣回收可能係一個唔錯嘅選擇，付予衣服第二次生命！如果做完舊衣回收衣櫃仲係爆滿？而家仲有新整理方法「上門儲存服務」將轉季衫擺入倉幫衣櫃解壓！
- 舊衣回收有咩要求？
- 邊度搵到舊衣回收點？
- 總有一個係左近｜社區舊衣回收箱
- 回收走進服裝產業｜連鎖服裝店
- 支持循環時尚產業｜Redress
- 足不出戶｜上門回收舊衣
- 拒絕無條件處理舊物｜JupBag 郵寄舊衣
- 做好舊衣回收，衣櫃終於解壓，再執埋轉季衫！
舊衣回收有咩要求？
舊衣回收唔難，第一步先認識可回收嘅衣物種類。做舊衣回收大多數都係非牟利組識，而組織接收嘅衣物類型大多為：衣服、手袋、背包，個別組織更接收鞋履或者配飾。
不過做舊衣回收都要注意細項，大多數要求衣物有8成或以上新簇，建議或要求捐贈者事先清洗舊衣。以賽馬會及基督教家庭服務中心為例，佢哋更係要求只接受當季衣物，即係夏天只收短袖短褲，大褸冷衫呢啲就要等到冬天先再捐喇。
邊度搵到舊衣回收點？
總有一個係左近｜社區舊衣回收箱
知道咗舊衣回收有咩要求之後，可以再認識多啲回收方式。正如頭先提及最常見嘅有非牟利機構負責回收，佢哋嘅回收箱廣佈港九新界甚至離島區，回收點數量都高達150至200個，可以輕鬆於屋苑、學校、商場、社區中心和其他公共場所搵到回收點。
如果有啲大褸或者戰衣飲衫一年先著得一次，都可以試下用上門儲存服務，將啲靚衫存入中央倉庫，就唔洗糾結拎唔拎去回收喇。
回收走進服裝產業｜連鎖服裝店
舊衣回收除咗非牟利組織，而家都多咗連鎖服裝品牌，例如Uniqlo、GU回收自家品牌或特定衣物類型，佢哋通常都係指定分店內擺放回收箱，將衣物直接放入箱內即可，同一般舊衣回收過程一樣咁方便簡單。
| GU | Uniqlo | H&M | Patagonia | Puma | ||
| 可回收衣物 | Uniqlo或GU品牌的衣物 | Uniqlo或GU品牌的衣物 | 任何品牌的衣物柔 | Patagonia品牌的衣物 | 任何品牌的運動衣物 | |
| 回收衣物新淨程度要求 | 沒有特定要求 | 沒有特定要求 | 沒有特定要求 | 沒有明顯破損並可重複使用 | 已清洗乾淨且沒有破損 | |
| 會否建議或要求捐贈者事先清洗舊衣？ | ✔️ | ✔️ | – | ✔️ | ✔️ | |
| 會否對回收的舊衣消毒？ | – | – | – | ✔️ | – | |
| 不可回收的衣物 | 嚴重破損的衣物/內衣褲/鞋/飾物 | 嚴重破損的衣物/內衣褲/鞋/飾物 | 內衣褲/鞋 | 貼身衣物/內衣褲/嚴重破損的產品 | 鞋 | |
| 回收箱地點 | 所有港九新界分店 | 所有港九新界分店 | 所有港九新界分店 | 指定分店 | 指定分店 |
Uniqlo曾經係2022年以「綠色哆啦A夢」作全新永續大使，再次推廣佢哋嘅可持續發展計劃Re.Uniqlo，希望喚起更多顧客參與回收計劃。
圖片來源：Uniqlo Hong Kong & Macau Facebook
「件件衫褲鞋都想留低喎🥹」
支持循環時尚產業｜Redress
除咗以上品牌有自設回收衣物箱，另一支持循環時尚產業嘅「Redress」都吸引各大品牌一同合作。Redress接收所有男女裝、童裝、嬰兒裝、時尚配飾（如手袋、圍巾），並確保衣物於回收前已徹底清洗乾淨。
之後會將收到返嚟嘅衫進行評估，進行舊衣物價值最大化
- 「Get Redressed」二手期間限定店重新出售
- 捐贈給20多間本地慈善團體作重新使用
- 給本地藝術家及設計師進行教育項目或升級再造
- 向下循環，例如加工成RPF燃料顆粒
而家係ZARA、ZARA HOME、Bershka、Tommy Hilfiger及Pacific Place都可以見到Redress回收箱，讓舊衣回收更方便。
足不出戶｜上門回收舊衣
而家好多舊衣回收機構為咗方便更多人都有提供上門回收服務，詳細可以參考以下：
| 可上門回收機構 | 上門回收最低門檻 | 收費 | 服務地區 |
| 香港地球之友 | 捐贈的舊衣數量須超過10袋 | 一般情況下不設收費 或 視乎上門及泊車地點等實際情況而定 | 香港、九龍、新界 |
| 基督教勵行會 | 捐贈的舊衣數量達3袋 | (i) 未夠3袋收取$200作支持該會各項社會及人道服務 或； (ii) 視乎上門及泊車地點等實際情況而定 | 香港、九龍、新界 |
| 救世軍 | 捐贈的舊衣數量達5袋 | 一般情況下不設收費 或 視乎上門地點等實際情況而定 | 香港、九龍、新界 |
| 長春社 | 捐贈的舊衣數量達5袋 | 一般情況下不設收費 或 視乎上門地點等實際情況而定 | 香港、九龍、新界 |
| Jup Up上門回收服務 *執嘢 (JupYeah) 旗下服務 | 最少達3箱物流箱 | 每箱收費$500 | 全港 |
拒絕無條件處理舊物｜JupBag 郵寄舊衣
有上門服務當然方便，做埋郵寄舊衣回收更方便！當中最特別可數「JupYeah執嘢」推出嘅「JupBag」。如果想大量回收衣物，係上網預訂「RePack可重用郵包袋」寄到屋企，每個袋為$300 (16cm x 49cm x 33cm)，能容納約25件夏天衣物。舊衣物裝滿袋後，貼上已付費郵寄標籤，再到郵局寄出，無需再付運費。用郵寄形式免去要預約專人上門嘅步驟。
「衣物爆滿，何去何從！？」
做好舊衣回收，衣櫃終於解壓，再執埋轉季衫！
實行舊衣回收的確係開啟環保嘅第一步，延長每一件衣物嘅使用價值。而且做舊衣回收期間，終於一口氣將屋企所有衣物分門別類，仲可以將轉季衫擺入倉，保持衣櫃全年都咁通爽。而家新興嘅「上門儲存服務」仲會有膠箱或者掛衣箱揀，咁就將啲衫Keep得更新淨啦！
「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
「屋企太多衫，要將收納空間擴展🔥！」