【裝修租倉】裝修存倉比較&注意事項？呢篇一眼睇曬！
幫屋企嚟一個大裝修動輒都要3至4個月嘅時間，翻新前要清場搵傢私倉、暫存大小型家居物品亦都係另一個需要規劃嘅事情。而家市面上嘅裝修存倉公司多不勝數，今次小編就會比較搬屋公司同迷你倉嘅服務，務求令大家揀到一個環境優質而且有信心嘅存倉環境。
存倉搵「搬屋公司」定「迷你倉」好？
市面上嘅裝修存倉服務主要大致分為2大種類——搬屋公司及迷你倉：
存倉選擇1. 搬屋公司
- 一條龍服務
搬屋公司普遍會提供一條龍服務，由包裝傢私、存倉、搬運物品到屋企，有啲仲畀埋增值服務如：拆傢私、棄置傢私、收購電器。
雖然一條龍服務係好方便，但佢哋所包嘅傢私倉，存倉環境未必十分理想或者設於半室外，物品有機會因壞天氣或半開放式環境而受損。
- 報價標準不一
搬運收費大多數都會逐件物品計算、車費同樓梯費，但周不時出現實際收費與報價偏離太多，有時仲去到現場話清單上無寫嘅嘢係唔會搬。根據《消委會》於2019年11月所公佈嘅20間搬屋公司報價，以搬一張4呎半雙人床為例，報價可由$70至$1200件，價錢出現10倍以上嘅差異。可見行內報價標準差距太大，容易失算。
存倉選擇2. 迷你倉
- 「上門」或「自助迷你倉」
迷你倉而家主要有兩種服務：「上門迷你倉」同「自助迷你倉」。呢兩種迷你倉大多會標準化咗不同呎數空間畀裝修客人去揀，最常見有12、24呎。
「自助迷你倉」係開放比租戶自行到迷你倉儲存物品，適合存放家居雜物、衣物、書本等小型物品。
- 「上門迷你倉」存倉形式較彈性
而「上門迷你倉」就最啱裝修存倉，可以放到傢俬同大型家電（雪櫃、洗衣機、電視），當正傢私倉咁用都得。仲有專人上門搬運服務，物品出倉時亦會送到指定地點。
存倉環境更有溫度及濕度控制，唔怕物品係儲存期間因為潮濕而變壞。佢哋更有專屬客服團隊跟進報價或其他查詢。
裝修租倉點租先抵？睇埋「上門迷你倉」價目表
- 報價準繩度較高
用傳統迷你倉或者上門迷你倉可直接係佢哋官網睇到唔同呎數基本收費及運輸費，容易比較同區倉租，簽定租約後亦可保障收費在指定範圍內。
( 新手必備裝修知識：【裝修攻略】裝修事前準備 逐項教你規劃好 )
「上門迷你倉」好唔好？
如果仲未揀到邊間上門迷你倉啱自己嘅裝修倉存需求，小編誠意介紹Spacebox隨存屋嘅上門迷你倉服務，有專人幫你免費報價！我哋有別於傳統迷你倉同傢俬倉，儲存傢私呢類大型物品可以用呎數去計算租金，免費為你報價。唔洗自己Call車運送物品到迷你倉，預約後會有專人上門收傢私，輕鬆存倉！
用呎數計倉租係咩意思？
首先要話咗畀我哋知你嘅裝修存倉有咩物品，例如梳化、組合櫃、雪櫃、洗衣機等；小型家居物品都可以全部入膠箱再送入倉，我哋會計算物品嘅總體積再建議所需嘅平方呎，最熱門嘅平方呎有：12或24平方呎。
12平方呎（高度限制5呎）最多可以擺到20個Spacebox標準儲存箱；又或者擺
- 26吋行李箱 x1
- 兩座位梳化 x1
- 單人椅 x1
- 層架 x1
24平方呎（高度限制5呎）等於有多一倍嘅空間可以用，所以最多可以擺到40個Spacebox標準儲存箱；又或者擺
- 80L 揭蓋膠箱 x6
- 28吋行李箱 x2
- 兩座位梳化 x1
- 單人椅 x1
- 層架 x1
- 紅白藍袋 x2
上門迷你倉突破傳統迷你倉嘅限制，Spacebox隨存屋提供6、8、12、24、48或以上平方呎，可以不斷延伸你嘅倉存空間，每月都只係$699起。而家可以透過手機APP紀錄物品，仲可以預約物品嘅入倉同埋出倉，咁就唔怕唔記得自己擺過啲咩入倉啦！
而家只要透過Spacebox隨存屋「上門迷你倉服務」，您不僅可以享受靈活嘅存倉空間，仲擁有便利嘅存取同埋管理方式。無論喺裝修期間抑或之後，暫存傢私、電器、書本、收藏品等各種家居物品，放心將您的物品交給Spacebox隨存屋，讓您入伙前享受無憂的存倉體驗，我哋都係您值得信賴嘅裝修存倉夥伴。